JEREMIA 39:4 - Biblia Ilagho Jiboie Kwa Wandu Wose

⁴ Nao iji Mzuri Zedekia na masikari ghake wawiwona, wikakimbia na kufuma mzinyi nakio, wikamaria chia ya mbuwa ya mzuri, wikaidiria mbengenyi iko aghadi ya mawurigha awi, wikaghenda kulangaya Araba.

JEREMIA 39:4 ပူးပေါင်းရင်းမြစ်များ

2 MALAGHO GHA NGELO 32:5

Ukazoya kubonya kazi eagha wurigha ghose ghorevuchukieghe, ukawusira minara aighu yaro; ukaagha wurigha ghumu cha shighadi, na kuchichuria ndighi kiwonu chiaghilo cha muzi ghwa Daudi. Wokoni ukabonya maswagha mengi na ngao.

ISAYA 22:11

Nenyo moreaghieghe kisima ghadi na ghadi ya agho mawurigha, kwa wundu ghwa agho machi gha kiriwa cha kala; ela ndemoremzighanireghe hata kumtala Mlungu uo orevibonyereghe mpango kufuma kala.

ISAYA 22:3

Wabonyi nguma wenyu wose wakimbia chiaimweri; wawadwa wisekumbie hata iwanu. Na wose werekuloghe, werewadiloghe; hata ngera werekimbirieghe kula.

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

JEREMIA 32:4

na Zedekia mzuri wa Juda ndechaafufunuka usewadilo ni Wababuloni, ela kwa loli uchangirwa mikonunyi kwa mzuri wa Babuloni; nao uchadedanya nao wushu kwa wushu wikizighanana;

JEREMIA 32:5

sena uchamdwa Zedekia hata Babuloni, nao uchakaia aho hata nimchee, na ukedualwa na Wakaldayo ndechaawisima kungi.”

EZEKIELI 12:12

Na uo m'baa uko aghadi kwawo, uchaduka msigo ghwake na iyonge a kirenyi na kughenda. Uchakota wurigha na kufuma shwa ukiidiria aho; uchaghufinikira wushu ghwake eri usewone ijo isanga.

EZEKIELI 12:4

Kuduke msigo ghwako ngelo ya nadime, kufume nagho seji kuaghenda cha wubarishonyi wikiwona; na oho kuchafuma ngelo ya luma lwa kenyi wikiwona seji iko suti wandu wibonye ingelo wakaghenda wubarishonyi.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

WALAWI 26:36

“Na wamzenyu wisigharikagha wubarishonyi, nichawingiria kiture cheobua wamaiza wawo, hata malemba ghapotolwa ni mbeo, ghichawibonya wikimbie sa iji wandu wikimbiagha wudenyi; nawo wichaghwa kuseko na kuwingwa ni mndungi.

AMOSI 2:14

Mundu ukimbiagha na iseghe, ndechaakirwa ni iseghe jake; na uo uko na ndighi, uchateweleka; hata uo uko na kudima ndechaakukira moni anduangi.

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.