JEREMIA 39:18 - Biblia Ilagho Jiboie Kwa Wandu Wose

¹⁸ Angu kwa loli nichakulindia hata ndekuchaabwaghwa wudenyi, ela irangi jako jichakaia banana, angu korenirumirieghe. Ini BWANA naghamba.’”

JEREMIA 39:18 ပူးပေါင်းရင်းမြစ်များ

1 MALAGHO GHA NGELO 5:20

wikawisima wose angu weremlilieghe Mlungu ngelo wiko wudenyi, nao ukawitumbulia ilombi jawo kwa kukaia werekusaghikieghe kwake.

AYUBU 5:20

Ngelo ya njala, uchakuwika moyo; ngelo ya wuda, uchakukira kusebwagho.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

ZABURI 2:12

Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.

ZABURI 33:18

Ola BWANA wadawizighana awo wimuobuagha, awo wilusuwiriagha lukundo lwake lukatie;

ZABURI 34:22

BWANA wadawikombua wadumiki wake; ndekuwadie ungi wa awo wimkimbiriagha uchaatanywa anduangi.

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

ZABURI 84:12

Warasimilwa mundu ukurumiriagha oho ee BWANA wa majeshi.

ZABURI 91:7

Wandu elfu wadima kufwa kaavui nakumoni; elfu ikumi chia rose kwako; ela oho ndekuchaawona ilagho jingi.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

JEREMIA 21:9

Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

JEREMIA 38:2

BWANA waghamba huwu, “Mundu uchaakaia andenyi ya ughu muzi, uchabwaghwa wudenyi, angu kwa njala, angu kwa saka izamie; ela uo uchaafuma na kughenda cha kwa Wababuloni uchakaia moyo; uchafufunuka na kukira irangi jake.

WAROMA 2:12

Awo wose wibonyere kaung'a kuseko na Sharia, wichatota kuseko na Sharia wokoni; nawo wose wibonyere kaung'a wikikaia aisi ya Sharia, wichatanywa kwa Sharia.

WAEFESO 1:12

isi deresuwirieghe andenyi ya Kristo koimbiri, damerie kusaghulwa na kuwikwa dikaie moyo kwa wundu ghwa kughukasa ugho wubaa ghwake.

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.