JEREMIA 39:1 - Biblia Ilagho Jiboie Kwa Wandu Wose

¹ Mwaka ghwa ikenda, mori ghwa ikumi ghwa kubonya nguma kwake Zedekia mzuri wa Juda, Nebukadnezari mzuri wa Babuloni ukacha na majeshi ghake ghose, na kughurughaia muzi ghwa Jerusalemu.

JEREMIA 39:1 ပူးပေါင်းရင်းမြစ်များ

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

JEREMIA 32:1

BWANA oreghorieghe nani mwaka ghwa ikumi ghwa kubonya nguma kwake Zedekia mzuri wa Juda, nagho ghorekoghe ni mwaka ghwa ikumi na wunyanya ghwa Nebukadnezari mzuri wa Babuloni.

JEREMIA 34:1

BWANA oreghorieghe nani ingelo Nebukadnezari mzuri wa Babuloni, chiaimweri na ijeshi jake, na mawuzuri ghose gha ndoenyi ghiko aisi yake werekoghe wikilwa na Jerusalemu na mizi yake yose.

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 52:1

Zedekia orekoghe mundu wa irika ja miaka mirongo iwi na ghumweri ingelo orebonywagha kukaia mzuri; ukabonya nguma Jerusalemu kwa miaka ikumi na ghumweri. Mae orewangwagha Hamutali mwai wa Jeremia wa Libna.

JEREMIA 6:6

BWANA wa majeshi waghora huwu, “Demenyi midi yawo, m'bonye wurigha, mpate kughurughaia ugho muzi ghwa Jerusalemu, kwa kukaia ugho nigho muzi ifwane ghukabo kwa wundu ghwa kuchulwa ni kukoronga.

EZEKIELI 33:21

Ituku ja kasanu ja mori ghwa ikumi, mwaka ghwa ikumi na iwi ghwa kudwalwa wunyika kodu, mndumu ufufunukie kufuma Jerusalemu ukanichea ukaghamba, “Muzi ghwamerie kuwadwa.”

EZEKIELI 4:3

Nao kuwade sahani ya chuma, kuiwike sa wurigha ghwa chuma aghadi yako na ugho muzi, ima kughuzighaneghe ugho muzi. Kughusighe ghuwonekeghe seji ghoorughailwa, na oho kuchurie kughurughaia. Iyo ichakaia alama kwa wundu ghwa wandu wa Israeli.

EZEKIELI 40:1

Ituku ja ikumi ja mori ghwa imbiri ja kuzoya kwa mwaka, nagho ni mwaka ghwa mirongo iwi na isanu ghwa kubarishwa kodu, sena ni mwaka ghwa ikumi na inya nyuma ya Jerusalemu kuwadwa; ituku ijo jeni, neresikireghe wulemeri ghwa ndighi ra BWANA, nao ukanidwa noko.

EZEKIELI 5:2

Ifungu ja kadadu ja ijo iridia kuchajikora ghadi na ghadi ya muzi, iji matuku gha kurughailwa ghakatia. Ifungu jimu ja kadadu, kuchakaia kukijidumbua-dumbua na lufu kukimara mara mzinyi; na ifungu jimu ja kadadu kuchajikumba nokoighu jisasaro ni mbeo, nani nichawiwinga kwa lufu.

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

WUKUMBUSO 28:36

“BWANA uchakudwa chiaimweri na mzuri wako kumsaghue kughende kwa mbari kuseiichi oho, hata weke ndeyo; na aho kuchaitasa milungu mizima ya midi na ya magho.