JEREMIA 38:20 - Biblia Ilagho Jiboie Kwa Wandu Wose

²⁰ Ngaghamba, “Ndewikuwadagha kungi. Oho sikira lwaka lwa BWANA kwa ghose nikughoriagha, na oho kuchakaia nicha hata ndekuchaabwaghwa anduangi.

JEREMIA 38:20 ပူးပေါင်းရင်းမြစ်များ

KUZOYA 12:13

Idana kuwizere angu ne mwanyinyu, eri maza ripate kunighendia nicha, na irangi japo jikie kwa wundu ghwako.”

KUZOYA 19:20

Ola muzi hoghuja kimonu ghuko kaavui nidimagha nighukimbirie. Nilekenyi nikimbirie aho, si mtinieri ugho? Nani nichakira irangi japo.”

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

MAKATANISHO 4:4

aba orenifundishireghe ukaghamba, “Kunughe malaghiro ghapo, na oho kuchakaia moyo.

MAKATANISHO 7:2

Wadia malaghiro ghapo kukaie moyo; kulindie mafundisho ghapo sa mundu wa iriso jako.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

JEREMIA 11:8

Ela ndewerenisikireghe, hata kudegha madu ghawo kwapo, ela kula umu wawo oreghendieghe kwa kukua kwa ngolo rawo mbiwi. Kwa wundu ugho niko nerewiredieghe njowe kunughana na malagho ghose gha iji ilaghano nerewilaghirieghe wibonye, ela ndewerebonyereghe anduangi.”

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

JEREMIA 38:21

Ela kukalegha kukufunya, wufunuo BWANA waniwonyera ni ughu:

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

AMOSI 5:4

BWANA Mlungu wawizera wandu wa Israeli huwu: “Nilolenyi mpate kukaia moyo.

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

MABONYO GHA WADUMI 26:29

Paulo ukaghamba, “Ngera ni kwa ngelo vui angu ngera ni kwa ngelo ndacha, malombi ghapo kwa Mlungu ni angu si oho kuekeri ela na awo wose wawuyanisikiria idime wikaie sa ini moni, kuseko na kufungwa huwu.”

2 WAKORINTHO 5:11

Kwa huwo, isi dikimanya kuja kuobua kwa Mlungu seji kuko, dawishingira wandu; ela seji diko, Mlungu waichi; nani nasuwiria hata nia renyu wori radiichi.

2 WAKORINTHO 5:20

Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.

2 WAKORINTHO 6:1

Kwa huwo dikibonya kazi andwamweri na Mlungu, damvoya mseghuwuse mvono ghwake duu.

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.