JEREMIA 38:19 - Biblia Ilagho Jiboie Kwa Wandu Wose

¹⁹ Mzuri Zedekia ukanizera, “Naawuyawiobua Wayahudi awo wikimbirie cha kwa Wababuloni, wisecheniwada na kunikoronga.”

JEREMIA 38:19 ပူးပေါင်းရင်းမြစ်များ

2 MALAGHO GHA NGELO 30:10

Wadumwa wikaghenda muzi kwa muzi isanga jose ja Efraimu na Manase na Zebluni; ela wandu wikadawiseka na kuwidema sare.

NEHEMIA 4:1

Nao iji Sanbalati wasikira kukaia isi Wayahudi daawuyaagha wurigha, ukazamilwa nandighi, na kudiseka kwa lumenyo.

AYUBU 31:34

Jingi siobue seji wandu widimagha kunighora; jingi sinyame kima angu kukaia nyumbenyi, wei angu niobuagha kusekwa.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

JEREMIA 20:7

Ee BWANA, kwanikalia nani ngakalikia; oho kwawadie ndighi kunichumba ini, na oho kwameria kusima. Nawuya kilambo chesekwa dime dii, kula umu waawuyaniseka.

JEREMIA 38:22

Ola waka wose weresigharikieghe andenyi ya ngome ya mzuri wa Juda werekoghe wikighenjwa shighadi kwa wabaa wa mzuri wa Babuloni; nawo werekoghe wikighamba, ‘Waghenyi wako kuwirumirie weekukalia wikakusima; na idana angu maghu ghako ghangia mazozonyi, wakusigha kuekeri.’

JEREMIA 38:5

Mzuri Zedekia ukaghamba, “Olenyi hoyo oko mikonunyi konyu; kwa kukaia mzuri ndedimagha kusimana nenyo.”

JEREMIA 39:9

Niko Nebuzaradani, uo m'baa wa majeshi, ukawidwa wunyika cha Babuloni awo wandu weresigharikieghe mzinyi; awo werekimbirieghe cha kwake na awo weresigharikieghe.

JOHANE 12:42

Elaima sena, wengi wa vilongozi wa Wayahudi weremrumirieghe Jesu; ela kwa wundu ghwa Mafarisayo, ndewereghorieghe worinyi anduangi, angu wereobueghe kuwingwa sunagoginyi;

WATANYI 16:25

Na ngelo ngolo rawo rerechuloghe ni kuboilwa wikaghamba, “Mmbangenyi Samsoni uchedibonyera misarigho”. Niko wikamreda Samsoni kufuma kifungonyi, ukasarigha imbiri kwawo. Wikamkaisha kimusi ghadi na ghadi ya nguro.

WATANYI 9:54

Nao shwa ukammbanga uo mdawana oremdwaiagha maswagha ukamzera, “Funya lufu lwako kunibwaghe wandu wisecheghora wei, ‘Oobwaghwa ni muka.’” Nao uo mdawana wa irika ukalukua lufu lwake, ukamdunga nalo; ukafwa.

1 SAMUELI 15:24

Nao Sauli ukamzera Samueli, “Nabonya kaung'a; kwa kukaia nalegha kusikira momu ghwa BWANA, na malagho ghako; angu nawiobua wadamu na kusikira mawoni ghawo.

1 SAMUELI 31:4

Nao Sauli ukamzera uja mdawana oremdukiagha maswagha ghake, “Kua lufu lwako kunidunge nalo nisechewadwa ni awandu wiseshamishiro, nao winidunge na kuniseka.” Ela uja mdawana ukalemwa angu oreobueghe nandighi. Kwa huwo Sauli ukaludegha lufu lwake, ukalughuya na kukudunga nalo.