JEREMIA 37:8 - Biblia Ilagho Jiboie Kwa Wandu Wose

⁸ Na Wakaldayo wichawuya kulwa na wandu wa ughu muzi; wichaghuwada na kughukora.

JEREMIA 37:8 ပူးပေါင်းရင်းမြစ်များ

JEREMIA 21:4

“Mumzere Zedekia huwu, BWANA, uo Mlungu wa Israeli waghamba, ‘Ola nichakwanya maswagha ghako gha wuda ghiko mkonunyi kwako, agho kwawuyatumia kulwa na mzuri wa Babuloni, na Wakaldayo, awo wakurughaia wurighenyi ghwako cha shighadi, nani nichaghireda chiaimweri ghadi na ghadi ya ughu muzi.

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 34:2

“BWANA, uo Mlungu wa Israeli ukanizera nighende kudedanya na Zedekia mzuri wa Juda nimzere, ‘Ola naawuyaghungira ughu muzi mkonunyi kwa mzuri wa Babuloni, nao uchaghukora.

JEREMIA 37:10

Angu hata ngera mwadasima ijeshi jose ja Wababuloni wawuyalwa nenyo, nao wisigharike wandu washoghonolwa wiko andenyi hemenyi kwawo, wichawuka na kughukora ughu muzi.’”

JEREMIA 38:18

Ela kukalegha kukufunya kwa wabaa wa mzuri wa Babuloni, niko ughu muzi ghuchaangirwa mikonunyi kwa Wababuloni, nawo wichaghukora, na oho ndekuchaafufunuka wisekuwadie anduangi.”

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

JEREMIA 38:3

Kwa loli muzi ughu ghuchangirwa mikonunyi kwa majeshi gha mzuri wa Babuloni, nagho ghuchawadwa.”