JEREMIA 37:2 - Biblia Ilagho Jiboie Kwa Wandu Wose

² Ela uo angu ungi wa wadumiki wake, hata na wandu wa isangenyi, ndewereghisikireghe malagho gha BWANA ughighorie kwa kunitumia ini mlodi Jeremia.

JEREMIA 37:2 ပူးပေါင်းရင်းမြစ်များ

2 SAMUELI 10:2

Daudi ukaghamba, “Kwa kukaia Nahashi orekoghe mloli kwapo, nanimoni nichakaia mloli kwa mwana wake Hanuni.” Niko Daudi ukaduma wadumiki wake, nawo wikangia isanga ja Waamoni; kwendamhoresha Hanuni ngolo.

2 SAMUELI 12:25

BWANA ukamduma mlodi Nathani uendemmbanga uo mwana Jedidia; kwa kukaia BWANA oremkundieghe.

1 WAZURI 14:18

Wandu wa Israeli wose wikamrika na kumlilia sa iji koni BWANA oreghorieghe kwa momu ghwa mlodi Ahija.

1 WAZURI 16:7

BWANA oreghorieghe na mlodi Jehu mwana wa Hanani aighu ya Baasha na kivalwa chake, kwa wundu ghwa kaung'a oreribonyereghe imbiri ya BWANA. Ukam'bonya BWANA kujokwa ni machu kwa wundu ghwa kubonya kaung'a sa Jeroboamu, na wokoni kwa kuitotesha nyumba ya Jeroboamu.

2 MALAGHO GHA NGELO 36:11

Sedekia orekoghe mundu wa irika ja miaka mirongo iwi na ghumweri iji orezoyagha kubonya nguma; ukabonya nguma Jerusalemu miaka ikumi na ghumweri.

KUFUMA 4:13

Musa ukaghamba, “Ee BWANA wapo, nakulomba kudume mundu mzima.”

MAKATANISHO 26:6

Kumduma mkelu ughenje malagho, ni sa mundu kukudumbua maghu ghake moni, na kukulolia malagho.

MAKATANISHO 29:12

M'bonyi nguma ukasikiragha malagho gha tee, wabaa wake wa kazi wose wichawuya watee.

JEREMIA 34:2

“BWANA, uo Mlungu wa Israeli ukanizera nighende kudedanya na Zedekia mzuri wa Juda nimzere, ‘Ola naawuyaghungira ughu muzi mkonunyi kwa mzuri wa Babuloni, nao uchaghukora.

EZEKIELI 21:25

Na oho ee m'bonyi nguma wa Israeli, mmbiwi kuseelie, ituku jako, ijo ituku ja kutanywa kwako kwa kutua jamerie kuvika.

HOSEA 12:10

“Nadedanye na walodi; ngawineka mafunuo mengi. Naonyere wandu wapo kwa mifwano ngiwitumia walodi.

WALAWI 8:36

Haruni na wana wake wikabonya kula ilagho ijo BWANA oremlaghirieghe Musa.

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.