JEREMIA 36:3 - Biblia Ilagho Jiboie Kwa Wandu Wose

³ Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 36:3 ပူးပေါင်းရင်းမြစ်များ

NEHEMIA 1:9

ela mkaniwuria na kughiwadia malaghiro ghapo, na kughibonya hata ngera mwasaghisiro hata kutua kwa ndoenyi, nichamkwanya na kumreda andu nikusaghue nitasoghe.’

ZABURI 139:24

Kuwone ngera ghoko wuwiwi ghungi andenyi kwapo, kunighenje na chia icheni ya kala.

ISAYA 6:10

Kurikurishe ngolo ra awa wandu, na madu ghawo ghilemie, na meso ghawo ghisewone; wisechewona na meso ghawo, na kusikira kwa madu ghawo na kughaluka wipate kuboiswa.”

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 18:8

nao iyo mbari ihee wuwiwi ghwake, nanimoni nichaghaluka nisighe kureda wuwiwi ugho nikoghe niiredie.

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 26:3

Kewada wichasikira wighaluke na kusigha kula umu mighendo yake izamie, eri nipate kughalusa nia ewibonya kiwiwi.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

EZEKIELI 12:3

Kwa wundu ugho ee mwana wa mdamu, kufunge msigo ghwako nadime wandu wikiwona, ugho msigo ghoghenda wubarishonyi; kuchafuma andu kuko, kughende andu kuzima wikiwona; kewada wadima kutambukilwa hata ngera ni wandu welegha.

EZEKIELI 18:23

Kwani naboilwagha ni kifwa cha mndungi mmbiwi? Waghamba Bwana MLUNGU. Kuchumba nandighi nakunde ughaluke na kusigha wuwiwi ghwake, ukaie moyo.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

MATHAYO 13:15

Angu wandu awa wafue vongo, na madu ghawo ndeghisikiragha, na meso ghawo ndeghiwonagha. Ngera si huwo kumangu meso ghawo ghawona, na madu ghawo kumangu ghasikira, kumangu kwa akili rawo watambukilwa, wikanighalukia ini, nani kumangu nawikira.’

MARKO 4:12

eri, ‘Kuzighana, loli wizighane, ela wisakewona anduangi; na kusikira, loli wisikire, ela wisaketambukilwa anduangi. Eri wisecheghaluka, na kulekelwa kaung'a rawo.’”

LUKA 20:13

Niko uja bwana wa mbuwa ya mizabibu ukaghamba, ‘Nibonya wada? Nichamduma mwana wapo mkundwa, kewada uo wichamneka ishima.’

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

MABONYO GHA WADUMI 28:27

Angu wandu awa wafue vongo, nawo ndewikunde kusikira; meso ghawo waghitungurisha, wisechewona kwa meso ghawo, na kusikira kwa madu ghawo, na kutambukilwa ngolonyi kwawo, wicheghaluka niwiboise.’

MABONYO GHA WADUMI 3:19

Kwa huwu heenyi mghaluke, eri kaung'a renyu ripate kufutwa na matuku ghedeghedeshwa ghiche kufuma kwa Bwana;

WUKUMBUSO 30:2

Mkaghaluka na kummburia BWANA Mlungu onyu na wana wenyu, kumsikira na kukatisha agho nimlaghiragha idime kwa ngolo renyu rose, na kwa roho renyu rose,

WUKUMBUSO 30:8

Nenyo mchamsikira BWANA Mlungu onyu sena, na kughiwadia malaghiro ghake ghose nimlaghiragha idime.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”