JEREMIA 32:9 - Biblia Ilagho Jiboie Kwa Wandu Wose

⁹ “Ngaighua ija mbuwa iko Anathothi kufuma kwa wamii Hanameli, ngampimia vibelele va feza ikumi na mfungade.

JEREMIA 32:9 ပူးပေါင်းရင်းမြစ်များ

KUZOYA 24:22

Nao iji ngamila rameria kunywa machi, uja mdumiki ukafunya pete ya dhahabu iko na wulemeri ghwa nusu shekeli, ukamngira mbuonyi kwake, na bangili iwi riko na wulemeri ghwa shekeli ikumi ra dhahabu, ukamngira vikotonyi kwake.

KUZOYA 37:28

Nao iji Wamidiani wamu wa biashara waida aho, waruna wikaghenda na kumjosa Josefu kufuma kinenyi, wikamuuza kwa Waishmaeli kwa shekeli mirongo iwi ra feza, na Waishmaeli wikamdwa noko cha Misri.

1 WAZURI 20:39

Hata iji mzuri orekoghe ukiida, uja mlodi ukamlilia mzuri ukighamba, “Ee mzuri, ini mdumiki wako nerekoghe ngilwa wudenyi, asikari umu ukaniredia mundu ukighamba, ‘Kumlindie umundu uselaghaye; ukalaghaya, kwadima kulaghasha irangi jako angu wulalo ghwaro kulipe vibelele va feza elfu idadu.’

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

ESTA 3:9

Idana iji kwakunda ee mzuri, kufunye momu wandu awa witotesho, nani nalaghira kufunya feza kuchumba kilogramu maghana adadu na mirongo ina elfu, ritumilo kwa kazi ya wutawala andenyi ya wuzuri ghwako.”

KUFUMA 21:32

Ng'ombe ikabwagha mzumba wa womi angu wa waka; mundu wa njau uchamlipa BWANA wa mzumba wa womi vibelele mirongo idadu va feza; na ng'ombe ichabwaghwa kwa kulaswa magho.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

EZEKIELI 4:10

Ivo vindo kuchaakaia kukija vichakaia vikipimwa gramu maghana awi na mirongo idadu kwa ituku. Kuchakaia kukija indo jimweri kwa ituku.

HOSEA 3:2

Niko ngaghenda na kumghua kwa vibelele va feza ikumi na visanu, na kilo ighana na mirongo misanu ra shairi.