JEREMIA 32:8 - Biblia Ilagho Jiboie Kwa Wandu Wose

⁸ Niko wamii Hanameli ukacha kwapo aho wazenyi ya walindiri, kunughana na ilagho ja BWANA, ukanizera, ‘Ghua mbuwa yapo iko Anathothi, isanga ja Benjamini, kwa kukaia hachi eiwusa, hata eighua wori ni yako; kwa huwo kuighuo.’ Niko ngamanya kukaia loli ni BWANA oreghorieghe nani.

JEREMIA 32:8 ပူးပေါင်းရင်းမြစ်များ

1 WAZURI 2:26

Niko Mzuri Solomoni ukamzera mkohani Abiathari “Ghenda cha mzinyi mzenyu Anathothi, kwa kukaia yakufwana kufwa. Ela kwa ngelo ihi sichaakubwagha, angu koreidukieghe Sanduku ya Ilaghano ja Bwana MLUNGU imbiri ya aba Daudi, sena kukaja wasi chiamweri na aba.”

1 WAZURI 22:25

Mikaia ukaghamba, “Oho kuchamanya jija ituku kuchaakimbia kukuvise andenyi ya chumba cha ndenyi.”

1 MALAGHO GHA NGELO 6:60

Na kufuma kwa mbari ya Benjamini, werenekeloghe Geba chiaimweri na milamba yaro elishira; na Anathothi chiaimweri na milamba yaro elishira. Mizi yose na nyumba rawo erekoghe ikumi na idadu.

JEREMIA 1:1

Agha ni malagho gha Jeremia mwana wa Hilkia, umu wa wakohani werekoghe muzi ghwa Anathothi ghuko andenyi ya isanga ja Benjamini.

JEREMIA 32:2

Ngelo iyo, majeshi gha mzuri wa Babuloni gherekoghe ghaghurughaia muzi ghwa Jerusalemu, na ini mlodi Jeremia nerekoghe nafungilwa andenyi ya waza ya walindiri, erekoghe andenyi ya ngome ya mzuri wa Juda.

JEREMIA 32:25

Ela sena oho ee Bwana MLUNGU kwanizerie huwu: “Ghua mbuwa kwa pesa, na kukupatira washahidi” - hata ngera saki ughu muzi ghwawadilo ni Wababuloni.’”

JEREMIA 32:7

“Ola Hanameli mwana wa awuyo Shalumu uchacha kwako ukuzere, ‘Ghua mbuwa yapo iko Anathothi, kwa kukaia mundu wa kaavui uko na hachi eighua ni oho.’

JEREMIA 33:1

BWANA oreghorieghe nani indo ja kawi niko kifungonyi andenyi ya waza ya walindiri.

JEREMIA 37:12

ngafuma Jerusalemu, ghaghenda isanga ja Benjamini kupata iwaghio japo aghadi ya wandu.

EZEKIELI 12:7

Niko ngabonya sa iji koni nerelaghiriloghe. Ngafunya msigo ghwapo ghoghenda wubarishonyi, ngaghufunya shighadi nadime; na ngelo ya luma lwa kenyi, ngakota a wurighenyi na mikonu yapo cheni; ngafuma nakio ngiduka msigo ghwapo na iyonge wikiwona.

ZEKARIA 11:11

Kwa huwo ijo ilaghano jikanonwa ijo ituku. Awo wereghuagha na kuuza ng'ondi werekoghe wikinizighanira, wikamanya angu BWANA orekoghe ukighora nani kwa agho nabonya.

JOHANE 4:53

Nao uja ndee mwana ukakumbuka angu ni ngelo ija cheni Jesu oremzerieghe, “Mwana wako uchakaia moyo.” Nao ukarumiria na nyumba yake yose.