JEREMIA 32:39 - Biblia Ilagho Jiboie Kwa Wandu Wose

³⁹ Nichawineka nia imweri na chia imweri, wipate kuniobua kwa kala na kala kwa mecha ghawo na gha wana wawo wichaanugha nyuma.

JEREMIA 32:39 ပူးပေါင်းရင်းမြစ်များ

KUZOYA 17:7

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

2 MALAGHO GHA NGELO 30:12

Wokoni wandu wa Juda wikateselwa ni Mlungu kukaia na ngolo imweri na kubonya seji mzuri na wabaa werelaghirieghe kwa ilagho ja BWANA.

ZABURI 112:1

BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

ZABURI 128:6

Dua luma, kuwone weke wawayo! Sere ndeikaie kwa Israeli.

ZABURI 86:11

Kunifundishe chia rako ee BWANA, nipate kughenda kwa loli yako; kunineke nia imweri ekuobua oho.

MAKATANISHO 23:17

Kusewado ni iriso ja wandu wa kaung'a; ela kufunge ndighi kumuobua BWANA matuku ghose.

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

ISAYA 52:8

Sikira! Chwaka ra walindiri wako, wabora chiaimweri kwa kuboilwa; angu wammbona BWANA ukiwuya cha Jerusalemu, worinyi mesonyi kwawo.

ISAYA 65:23

Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

EZEKIELI 37:22

Nani nichawibonya wikaie mbari imweri isangenyi, aighu ya mighondi ya Israeli; na mzuri umweri uchawibonyera nguma wose, nawo ndewichaakaia mbari iwi sena, hata ndewichaawaghika wikaie mawuzuri awi sena anduangi.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

MABONYO GHA WADUMI 13:33

wadikatishira isi wana wawo kwa kumrukisha Jesu; seji iandikilo wori kwa Zaburi ya kawi: ‘Oho ko Mwana wapo, nakuva idime.’

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

MABONYO GHA WADUMI 3:26

Mlungu umeria kummbusira Mdumiki wake, oremdumieghe konyu kande, upate kumrasimia kwa kumghalua kula umu onyu utane na wuwiwi ghwake.”

MABONYO GHA WADUMI 4:32

Wandu wose wererumirieghe werekoghe na nia imweri na roho imweri, hata mndungi ndereghorieghe wei kindo chingi ni chake moni uekeri anduangi; ela werekoghe na wungara ghwa vilambo vose.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.

WAROMA 11:16

Ikakaia idonge ja mufu ghwa mkate jifunyiro kizongona sa mavalo gha imbiri jaelie, huwo koni mufu ghose ghooela; na ikakaia kirimba cha mudi chaelie, mbashu wori raelie.

1 WAKORINTHO 7:14

Angu uo mumi userumirie warumirilwa ni Mlungu kwa chia ya mkake, na muka userumirie warumirilwa kwa chia ya mumi wake. Ngera si huwo, kumangu wana wenyu ndewirumirilo; ela seji iko, warumirilwa.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 6:2

Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

WUKUMBUSO 6:24

Niko BWANA ukadilaghira dirikatishe sharia iri rose, dipate kumuobua BWANA Mlungu odu kwa wundu ghwa wucha ghodu ngelo rose, eri upate kudiwika moyo seji diko idime.

WAEBRANIA 10:20

uo oredirughueghe chia mbishi, iko moyo, kwa kuidia pazienyi; kutambua kwaro, kuidia mumbinyi kwake.