JEREMIA 32:31 - Biblia Ilagho Jiboie Kwa Wandu Wose

³¹ Wandu wa muzi ughu wanibonyere ngajokwa ni machu kufuma ghwaaghwa hata linu; kwa huwo nichaghuinja niseghuwoneghe

JEREMIA 32:31 ပူးပေါင်းရင်းမြစ်များ

2 WAZURI 21:16

Aighu ya agho, Manase orebwaghieghe wandu wengi wisewadie makosa ghangi, hata chia ra Jerusalemu rikachulwa ni bagha ii chia na ii chia; kula na iro kaung'a, orewishekerieghe wandu wa Juda kungia kaung'enyi na kubonya mawiwi imbiri yapo.

2 WAZURI 23:15

Sena Mzuri Josia ukakunona aja andu kotasira milimu mighondinyi koreaghiloghe Betheli ni Jeroboamu mwana wa Nebati, uo orewishekerieghe Waisraeli kungia kaung'enyi; ukainona hata madhabahu yake wori, na kubara-bara magho gharo hata ghikawuya teri; ukakora fwana ya ghuja mlungu ghwa waka Ashera.

2 WAZURI 23:27

BWANA ukaghamba, “Nichamuinja Juda nisemmboneghe, sa iji koni neremuinjireghe Israeli, nani nichaghulegha ugho muzi ghwa Jerusalemu nereghusaghueghe ngighamba irina japo jichakaia aho.”

JEREMIA 23:39

kwa wundu ugho nichamshoa na kumkumba noko nisemmboneghe, chiaimweri na ughu muzi neremnekieghe na weke ndeyo.

JEREMIA 27:10

Angu waawuyamfunyira wulodi ghwa tee; mchawona mkidwalwa noko kula na isanga jenyu, nani nichammbinga noko mpate kutota.

KILILO CHA JEREMIA 1:8

Ishima jawo jeesia, weesighwa duu; wikawuya wemenyeka, wasirimika na kuvisa mawushu ghawo kwa waya. Jerusalemu ookulusha moni kwa kaung'a rake.

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.