JEREMIA 32:23 - Biblia Ilagho Jiboie Kwa Wandu Wose

²³ nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 32:23 ပူးပေါင်းရင်းမြစ်များ

EZRA 9:7

Kufuma matuku gha weke aba, hata idana isi wandu wako dabonyere kaung'a na ndighi. Kwa wundu ghwa kaung'a redu, isi chiaimweri na wazuri wedu, na wakohani wedu, dangirie mikonunyi kwa wazuri wa kighenyi, dikabwaghwa, dikadwalwa wunyika, dikasokwa, na kusowelwa ishima, seji diko idime.

NEHEMIA 9:15

“Korewinekieghe vindo kufuma mlungunyi iji werekoghe njala; kukawifunyira machi ighonyi iji werekoghe kau. Kukawizera wijiwuse isanga korewilaghirieghe kuchawineka.

ZABURI 78:10

Ndewerejiwadieghe ilaghano jawo na Mlungu, wikalegha kusikira sharia rake.

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

JEREMIA 26:4

Kuwizere, ‘BWANA waghamba huwu: Mkalegha kunisikira na kunugha sharia rapo niriwikie imbiri konyu,

JEREMIA 44:10

Ndewikuserie weni hata idime iji; hata ndewiniobue na kughenda kwa sharia rapo na kughiwadia malaghiro ghapo nighiwikie imbiri konyu na imbiri ya weke ndeyo.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

KILILO CHA JEREMIA 1:8

Ishima jawo jeesia, weesighwa duu; wikawuya wemenyeka, wasirimika na kuvisa mawushu ghawo kwa waya. Jerusalemu ookulusha moni kwa kaung'a rake.

EZEKIELI 20:18

Nani ngawizera wana wawo aho kireti: Msenughe sharia ra weke ndeyo, hata msenughe mafundisho ghawo, sena msakekulusha na milimu yawo.

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

EZEKIELI 20:8

Ela wikanilegha hata ndewerenisikireghe anduangi, mndungi wawo nderedeeghe milimu yake, hata kuisigha milimu ya Misri anduangi. Neregheshereghe ngera kumangu nawikaba kwa machu ghapo aghadi ya isanga ja Misri.

LUKA 17:10

Na inyo wokoni, kasikira mwabonya ghose mlaghirilo, ghambenyi, ‘Deko wadumiki disewadie fwaida isi, daabonya agho gheni ghidifwanagha kughibonya.’”

JOHANE 15:14

Inyo moko waghenyi wapo mkabonya agho nimlaghiragha.

WAGALATIA 3:10

Angu awo wikusaghikagha kwa mabonyo gha Sharia, weeka aisi ya njowe; angu yaandikilo, “Ndewado ni njowe kula mundu usewadagha malagho ghose ghiandikilo andenyi ya chuo cha Sharia, na kughibonya.”

JAKOBO 2:10

Angu mundu uo ose uiwadiagha Sharia yose nao ulemo ni imu, uchakaia mkosi wa iyo Sharia yose.

JOSHUA 21:43

Niko huwo BWANA ukawineka wandu wa Israeli ijo isanga orewilaghirieghe weke ndee, ukawighemia kukaia uchawineka; nawo wimeria kujipata ifwa ijo isanga, wikakaia aho.

JOSHUA 23:16

ikakaia mwajichikanya ilaghano jake ijo oremlaghirieghe, nao mfume kuidumikia milungu mizima na kuighoghomia, aho niko BWANA uchajokwa ni machu aighu yenyu, nenyo mchatota shwa wori na kusoweka andenyi ya ijo isanga jiboie oremnekieghe.”