JEREMIA 32:19 - Biblia Ilagho Jiboie Kwa Wandu Wose

¹⁹ kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

JEREMIA 32:19 ပူးပေါင်းရင်းမြစ်များ

1 WAZURI 8:32

kusikire aho kwako mlungunyi ee BWANA, kuwitanye wadumiki wako. Kumkabe mkosi seji imfwane, na kumlekeria uo usewadie ikosa.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

AYUBU 34:11

Mlungu wadamlipa mundu kunughana na mabonyo ghake; wadam'bonyera kunughana na mighendo yake.

AYUBU 34:21

“Mlungu wadazighana mighendo ya mdamu, na kuwona milambo yake yose.

ZABURI 111:2

Kazi ra BWANA ni mbaa. Wandu wose wiboilwagha naro, wadakufundisha andenyi yaro.

ZABURI 34:15

BWANA wadawizighana wahachi, na kusikira kililo chawo.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

ZABURI 92:6

Mundu usena akili ndedimagha kurimanya; mkelu ndedimagha kuelelwa,

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

MAKATANISHO 5:21

BWANA waichi maza rose mundu uribonyagha, nao wadaizighana mighendo yake yose.

MAKATANISHO 8:14

Nawadie njama na hikima ndicha; nawadie suku, sena neko na ndighi.

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

ISAYA 28:29

Na hikima ihi yose yadafuma kwa BWANA wa majeshi. Njama rake ni ra mashiniko richuagha hikima ndicha.

ISAYA 40:13

Nani udimagha kumlongoza Roho wa BWANA, angu nani orekoghe mnjama wake omfundisha?

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 16:17

Angu nawuyawiwona kwa chia rawo rose, ndewivisikagha kwapo, hata na mawiwi ghawo ndeghivisikie mesonyi kwapo anduangi.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

DANIELI 2:45

Kwawonie ijo igho jisedumbulo ni mkonu ghwa mdamu jikisea kufuma mghondinyi na kuifasha ija fwana, chuma, na shaba, na wongo, na feza na dhahabu. Uo Mlungu m'baa wakumanyisha ee mzuri malagho ghichaakaia konyuma. Ndodo ihi ni ya loli na kutambushira kwaro wori ni kwa loli.”

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

ZEKARIA 9:1

Agha ni malagho gha BWANA: Waghambie uchakaba isanga ja Hadraki, na muzi ghwa Dameshki. Si mizi ya vichuku va Israeli tu, ela hata na muzi m'baa ghwa Siria ni ghwa BWANA.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

JOHANE 5:29

wiruke na kufuma kaburinyi kwawo; awo wibonyere nicha, wirukie irangi, na awo wibonyere wuwiwi, wirukie kutanywa.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WUFUNUO 22:12

“Olenyi niacha kafwani, niko na mafungu ghapo, nimlipe kula mundu karakara na seji ubonyere.