JEREMIA 32:17 - Biblia Ilagho Jiboie Kwa Wandu Wose

¹⁷ ‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

JEREMIA 32:17 ပူးပေါင်းရင်းမြစ်များ

KUZOYA 18:14

Welee, jeko ilagho jingi jikurie jisedimikagha kwa BWANA? Nichakuwuria kwa ngelo iwikilo kimu sa ichi, na Sara uchakuvaia mwana wa womi.”

2 WAZURI 19:15

Hezekia ukamlomba BWANA ukighamba, “Ee BWANA Mlungu wa Israeli, oho kifumbi chako cha nguma chiko aighu ya makerubi, oho kuekeri kuko Mlungu, aighu ya mawuzuri gha ndoenyi kose, kuumbie mlungunyi na ndoenyi;

2 WAZURI 3:18

Elisha ukachuria kughora, “Iji ni ilagho itini putu kwa BWANA, na huwo sena ucham'bonya muwisime Wamoabu.

NEHEMIA 9:6

Niko wandu wa Israeli wikalomba huwu: “Oho BWANA, ni oho kuekeri kuko BWANA; korebonyereghe ndoe na bahari na vose viko andenyi yaro; kukawineka wose irangi. Ijeshi jose ja mlungunyi jaghoghoma kukutasa oho.

AYUBU 42:2

“Naichi kukaia kwadima kubonya maza rose, hata ndekuwadie mpango ghungi ghwako ghudimagha kughirilwa anduangi.

ZABURI 102:25

Oho korewikieghe misingi ya wurumwengu kon kala, na mlungunyi ni kazi ya mikonu yako.

ZABURI 136:12

kwa mkonu ghwake ghuwadie ndighi, lukundo lwake lukatie lwadua kwa kala.

KUFUMA 20:11

Angu BWANA oreumbieghe mlungunyi na ndoenyi kwa matuku arandadu, bahari na vose viko andenyi yaro; ukahora ituku ja mfungade. Kwa huwo, BWANA ukajirasimia ituku ja mfungade, ukajielesha.

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

ISAYA 59:1

Olenyi mkonu ghwa BWANA ndeghupungue ghusedimagha kukira, hata madu ghake ndeghiriwie wei ghilemo ni kusikira;

JEREMIA 1:6

Niko ngaghamba “Ai, Bwana MLUNGU! Ola ini siichi kudeda, kwa kukaia ne mwana tu!”

JEREMIA 14:13

Niko ngaghamba, “Ee Bwana MLUNGU, ola awo walodi wadawizera awa wandu wei ndewichaabwaghwa wudenyi kungi, hata kwa njala; kedi wei kwalaghirie sere ichakaia andenyi ya isanga jedu.”

JEREMIA 21:2

“Kukotie BWANA kwa wundu ghodu, kwa kukaia Nebukadnezari mzuri wa Babuloni waawuyabonya wuda nesi, kewada BWANA uchadibonyera mabonyo ghake gha mashiniko, upate kudiinjikia.”

JEREMIA 27:5

“Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

JEREMIA 32:27

“Ola ini ne BWANA, uo Mlungu wa wadamu wose; jeko ilagho jingi jisedimikagha kwapo?

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

JEREMIA 4:10

Niko ngaghamba, “Ai! E Bwana MLUNGU, loli kwamerie kuwikalia awa wandu na Jerusalemu putu, kukiwizera, ‘Mkaia nicha to,’ sena hoku wameria kuchelwa ni kifwa.”

JEREMIA 51:15

BWANA nuo ubonyere ndoenyi kwa kudima kwake, nuo umangishire wurumwengu kwa hikima yake, na kwa kumanya kwake; ukawika mlungunyi.

JEREMIA 51:19

Mlungu wa Jakobo ndeko sa iyo anduangi, angu uo nuo ubonyere vilambo vose; mbari ya Israeli niyo uisaghue ikaie ifwa jake, na irina jake ni BWANA wa majeshi.

EZEKIELI 11:13

Nao iji nerekoghe ngifunya wulodi, Pelatia mwana wa Benaia ukafwa. Niko ngaghwa kiwushu-wushu, ngamlilia BWANA kwa lwaka lubaa ngighamba, “Ai e Bwana MLUNGU! Wele kuaghimeria masighariko gha wandu wa Israeli putu?”

EZEKIELI 9:8

Hata iji werekoghe wikibwagha, nani ii chia naasigharika niekeri, ngaghwa kiwushu-wushu ngalila ngighamba, “Ai, e Bwana MLUNGU! Kuabwagha masighariko ghose gha Israeli kwa wundu ghwa machu kwakaia nagho aighu ya Jerusalemu?”

DANIELI 2:22

Wadafunukua maza riko ndenyi ra ngasu, na agho ghivisikie kirenyi waghimanya; uo wadakaia mwengerenyi.

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

ZEKARIA 12:1

Agha ni malagho gha BWANA aighu ya Israeli: BWANA, uo ualie mlungunyi, ukaumba ndoenyi, na kumneka mdamu irangi waghamba huwu:

ZEKARIA 8:6

“Ilagho ijo jadima kuwoneka sa jisedimikagha kwa masighariko gha wandu wa matuku agha, ela kwapo ini jadimika.

MITALO 11:23

BWANA ukamzera Musa, “Welee, ndighi ra BWANA reeka ndini? Idana kuchawona ngera malagho ghapo ndeghiwuyaa loli.”

MATHAYO 19:26

Jesu ukawizighana ukawizera, “Kwa wadamu ilagho iji ndejidimikagha, ela kwa Mlungu maza rose radimika.”

MARKO 10:27

Jesu ukawizighana, ukawizera, “Kwa wadamu ndekudimikagha anduangi, ela kwa Mlungu kwadimika; angu kwa Mlungu maza rose radimika.”

LUKA 1:37

Angu ndekuwadie ilagho jingi jisedimikagha kwa Mlungu anduangi.”

LUKA 18:27

Ela Jesu ukaghamba, “Agho ghisedimikagha kwa wandu ghadimika kwa Mlungu.”

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

MABONYO GHA WADUMI 15:18

waghamba Bwana, uo oreghibonyereghe malagho agha ghimanyike kufuma kala.’

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.

WUFUNUO 4:11

“Kwafwana oho Bwana odu na Mlungu odu, kughuwusa wubaa, na ishima na kudima; angu oho koreumbieghe vilambo vose, na kwa kukunda kwako oho, vereumbiloghe, vikakaia.”