JEREMIA 31:9 - Biblia Ilagho Jiboie Kwa Wandu Wose

⁹ Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

JEREMIA 31:9 ပူးပေါင်းရင်းမြစ်များ

1 MALAGHO GHA NGELO 29:10

Mzuri Daudi ukamkasa BWANA imbiri ya ikwanyiko jose ukighamba, “Ee BWANA Mungu wa aba odu Israeli, kukaso kwa kala na kala!

ZABURI 107:7

Ukawilongoza na chia ighorokie, hata wikavika muzi wikunde wikaie.

ZABURI 23:2

wanirarisha malishonyi gha nyasi mbishi, na kunilongoza mbai-mbai ya machi ghinyame.

ZABURI 89:27

Nicham'bonya ukaie mwana wapo wa womi wa imbiri, na mzuri m'baa kuchumba wazuri wose wa ndoenyi.

KUFUMA 4:22

Na oho kuchamzera Farao, ‘BWANA waghora huwu: Israeli ni mwana wapo wa imbiri;

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 43:20

Nyamandu ra isakenyi richanineka ishima, mizozo hata nyagha, angu nareda machi kireti, na meda ikarenyi; na kuwineka machi wandu wapo wisaghulo.

ISAYA 45:11

BWANA, Mlungu Mweli wa Israeli, na Muumbi waghamba, “Welee, kwadima kunikotia makoto aighu ya wana wapo? Kwadima kunilaghira seji ifwane nibonye aighu ya kazi rapo?

ISAYA 57:14

Ngelo iyo Mlungu uchaghora huwu; “Aghenyi, aghenyi m'boise chia, injenyi vikuwaro chienyi ya wandu wapo wipate kuida.”

ISAYA 63:13

uo orewilongozereghe na kuwiisa andu kumilie? Wereidieghe kireti sa farasi hata wisekuwe.”

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

JEREMIA 3:4

“Na idana kwanizera, ‘Oho ko aba, korenikundieghe kufuma niko mwanake;

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 50:4

BWANA waghamba, “Matuku agho na ngelo iyo, wandu wa Israeli na wandu wa Juda, wichacha chiaimweri wikilila; nawo wichamlola BWANA Mlungu wawo.

HOSEA 12:4

Oresimaneghe na malaika ukasima, ukalila ukighulola wughoma ghwake; ukakwana na Mlungu aja Betheli, na ajaeni Mlungu ukaghora nao.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

MALAKI 2:10

Welee, isi diwose ndedeeka na aba umweri? Ndedeeumbwa ni Mlungu umweri? Kwaki sena dasowiana wuloli diweni na diweni, na kwaki dijimenyagha ilaghano jibonyero ni Mlungu kwa weke wawa?

MITALO 2:18

“Wandu wichaapanga ii chia cha magharibi, ni wa bendera ya kambi ya kichuku cha Efraimu kwa mafungu ghawo, kilongozi chawo ni Elishama mwana wa Amihudi.

MATHAYO 3:3

Johane nuo mlodi Isaya oreghorieghe malagho ghake ukighamba, “Lwaka lwa mndumu lwasikirika kireti, ‘Boisenyi chia ya Bwana, ghoruonyi mivori yake.’”

MATHAYO 5:4

Warasimilwa awo wiko na wasi, angu awo wichahoreshwa.

MATHAYO 6:9

Idana mlombeghe sa huwu: ‘Aba odu kuko mlungunyi, Irina jako jikaso.

LUKA 6:21

Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

WAROMA 8:26

Huwo koni uja Roho waditesia wunyonge ghodu; angu isi ndediichi kulomba seji ifwanagha, ela uja Roho moni wadilombia kwa kusoria ngolo kubaa kuseghorekagha.

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

WUKUMBUSO 14:1

“Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.

WAEBRANIA 12:13

Mrighoruo chia renyu mghendagha naro, eri icho kia chikelemere chisetanyo na wambao, ela bora chiboiso.

WAEBRANIA 12:23

na ikwanyiko ja wavalwa wa imbiri wa Mlungu, awo wiandikilo mlungunyi. Mwavika kwa Mlungu uo mtanyi wa wose, na kwa roho ra wandu wa hachi wikatishiro,

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”