JEREMIA 31:3 - Biblia Ilagho Jiboie Kwa Wandu Wose

³ nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

JEREMIA 31:3 ပူးပေါင်းရင်းမြစ်များ

1 WAZURI 10:9

BWANA Mlungu wako ndekaso! Wawonyera seji uboilo ni oho kwa kukuwika kukaie mzuri wa Israeli. Kwa kukaia Mlungu wawikunde Israeli kwa kala na kala, wakuwikie kukaie mzuri wawo, eri kupate kubonya gha loli na gha hachi.”

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ZABURI 25:6

Kumbuka wughoma na lukundo lwako lukatie ee BWANA, uloni koreluwonyereghe kufuma kala.

LUMBO 1:4

Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

ISAYA 43:4

Kwa kukaia koko wa zoghori mbaa mesonyi kwapo, na kwa kukaia nakukunde na kukuneka ishima, nichafunya wandu kwa wundu ghwako, na mbari ra wandu kwa wundu ghwa irangi jako.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 49:14

Ela wandu wa Jerusalemu waghambie, “BWANA wamerie kudisigha, BWANA odu wamerie kudiliwa.”

HOSEA 11:1

BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

HOSEA 11:4

Nerewirudieghe cha kwapo kwa wughoma, ngawimaziria kwa lukundo; ngakaia kwawo sa mundu ufunguagha ghongolo kufuma singonyi kwawo, ngaghomeka nipate kuwijisha.

MALAKI 1:2

BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,

WAROMA 8:30

Na awo Mlungu orewisaghueghe, awo ukawiwanga, ukawitala kukaia na hachi, na awo orewitalieghe kukaia na hachi, awo wori ukawineka wubaa.

WAROMA 9:13

Sa iji koni iandikilo, “Neremkundieghe Jakobo ela Esau ukanizamia.”

WUKUMBUSO 10:15

Ela sena BWANA orewikundieghe weke ndeyo kwa ngolo, ukamsaghua inyo kivalwa chawo, na kummbika aighu ya wandu wose, seji iko idime.

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

WUKUMBUSO 33:3

BWANA wawikunde wandu wake na kuwilindia awo wiko wake. Kwa huwo dadaghoghoma maghunyi kwake na kusikira malaghiro ghake.

WUKUMBUSO 4:37

Na angu orewikundeghe weke ndeyo, oresaghueghe kivalwa chawo; ukakufunya Misri moni kwa ndighi rake mbaa.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

1 JOHANE 4:19

Deko na lukundo, angu Mlungu orezoeghe ukadikunda.