JEREMIA 30:8 - Biblia Ilagho Jiboie Kwa Wandu Wose

⁸ BWANA wa majeshi waghamba, “Ituku ijo nicharichikanya ghongolo rifume singonyi kwawo, na vilingo wifungilo navo; waghenyi ndewichaawibonya wikaie wadumiki wawo sena anduangi.

JEREMIA 30:8 ပူးပေါင်းရင်းမြစ်များ

ZABURI 107:14

Ukawifunya wasinyi andenyi ya kira kibaa, na kudumbua minyororo yawo vipande vipande.

ISAYA 10:27

Ngelo iyo nichaghuinja msigo ghwa makorongo ghawo ghuinjike maweghenyi konyu, na ghongolo yawo nichaichikanya ifume singonyi konyu.”

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 14:25

Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.

ISAYA 14:3

Ngelo BWANA uchaamredia wuhoreshi kufuma kwa wasi ghonyu, na masumbuko ghenyu, na kufuma kwa iro kazi rikurie moredumikishiroghe,

ISAYA 9:4

Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

JEREMIA 27:2

“Bonya ghongolo ya vilingo na mikowa, kuingire singonyi kwako.

JEREMIA 27:7

Mbari rose ra wandu richamdumikia uo, na mwana wake, na wawae; hata ngelo ivike ya kughwa kwa mbari yake. Aho niko mbari nyingi, na wazuri wabaa wichaam'bonya Nebukadnezari ukaie mzumba wawo.

JEREMIA 28:10

Niko Hanania ukavifunya ivo vilingo va ghongolo verekoghe singonyi kwa mlodi Jeremia, ukavichikanya.

JEREMIA 28:13

“Ghenda kumzere Hanania, ‘Ola kwachikanyire vilingo va midi, ela nichabonya vizima va chuma.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

EZEKIELI 30:18

Kira chichawiseria wandu wa Tapenesi, ingelo nichaainja nguma ra Misri, na kukukasa kwake kubaa kuchasia; uchafinikirwa ni iwingu, na wandu wake wichadwalwa wunyika.

EZEKIELI 34:27

Na midi ya mbuwenyi ichava matunda gharo, na mavalo gha ndoenyi ghichachurikia; richakaia banana isangenyi, naro richamanya kukaia ini ne BWANA, ingelo nichaiinja ghongolo ifume singonyi kwawo, na kurikira kufuma mikonunyi kwa awo wereribonyereghe wazumba.

NAHUMU 1:13

Nichawimeria Wasiria, na kuiinja minyororo erekufungieghe.”