JEREMIA 30:6 - Biblia Ilagho Jiboie Kwa Wandu Wose

⁶ Kotia idana kuwone welee, mndwawomi wadima kuva mwana? Kwaki sena nawuyawona kula mndwawomi wawika mkonu ghwake kifunyi sa muka ukumbagha lufu lova? Kwaki mawushu ghafuwia huwu?

JEREMIA 30:6 ပူးပေါင်းရင်းမြစ်များ

ZABURI 48:6

Wikawadwa ni kusughusika aho, wikapatwa ni luwawo sa lwa muka ukumbagha lufu lova.

ISAYA 21:3

Malagho nighiwonie kwa mawono agho ghanioboshere na kunivavira, ngawawa sa muka ukumbagha lufu kwa kuva; agho nighisikire, ghanikambirie chongo, nafwa waya hata sidimagha kuzighana.

ISAYA 29:22

Kwa huwo BWANA uo oremkombueghe Abrahamu waghora huwu aighu ya wandu wa Israeli: “Israeli ndeechaafushwa waya hata kughaluka wushu ghwake anduangi.

JEREMIA 13:21

Kuchaghora wada kukawiwona waghenyi wako korewifundishireghe wikikaia wabaa aighu yako? Welee, ndekuchaawawa karakara na muka ukumbagha lufu anguwada?

JEREMIA 22:23

Oho kukaiagha Lebanoni, kubonyere andu kwako kokaia na midi ya Sida; kusirimika saki ngelo wasi ghuchaakuchea, sa ghwa muka wachelwa ni lufu lokufungua.”

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

JEREMIA 48:41

mizi ichawuswa, na ngome richawadwa. Ngolo ra mang'oni gha Moabu ituku ijo richawuya sa ngolo ya muka ukumbagha lufu lova.

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

JEREMIA 49:24

Wandu wa Dameshki wakaia wanyonge, waghaluka na kukimbia, wawadwa ni kiwogho-wogho, kuwawa na wasi kwawichea sa kwa muka ukumbagha lufu kwa kuva.

JEREMIA 50:43

“Mzuri wa Babuloni wasikire malagho gharo mikonu yake ikateweleka; ukangilwa ni luwawo, sa lwa muka ukumbagha lufu lwa kuva.

JEREMIA 6:24

Wandu wa Jerusalemu waghamba, “Dasikire agho malagho na mikonu yedu ikadateweleka. Dapatwa ni luwawo lubaa sa lwa muka ukumbagha lufu.

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

HOSEA 13:13

Israeli ooka sa mwana mkelu uleghagha kufuma ingelo mae wakakumba lufu lova.

JOELI 2:6

Kucha kwawo kuaobosha wandu; mawushu ghose ghaawuya gha mshashu-mshashu.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.