JEREMIA 30:3 - Biblia Ilagho Jiboie Kwa Wandu Wose

³ Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

JEREMIA 30:3 ပူးပေါင်းရင်းမြစ်များ

EZRA 3:1

Mori ghwa mfungade Waisraeli werekoghe wameria kukaia mizinyi kwawo. Niko wikakwanyika wose Jerusalemu.

EZRA 3:12

Ela wengi wa wakohani na Walawi na wabaa wa vichuku, na waghosi awo wereiwonieghe Hekalu ya imbiri, werelilieghe kwa lwaka lubaa iji waghuwona msingi ghwa Hekalu ihi ghukiaghwa; ela wazima werekoghe wikikema kwa kuboilwa.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

ZABURI 126:4

Wunja wandu widwalo wunyika wedu ee BWANA, sa mikua ya machi gha isanga ja Negebu.

ZABURI 53:6

Yakaiagha nicha saki ngera kukia kwa wandu wa Israeli kwadapatika kufuma Sioni! Mlungu ukawunjira wandu wake mecha ghawo, wandu wa Israeli wichaboilwa na kuzuma.

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 27:11

Ela mbari iyo yose ichaarumiria kungira ghongolo ya mzuri wa Babuloni na kumdumikia, nicham'bonya ukaie isangenyi jake jeni, ujilime na kukaia aho, Ini BWANA naghamba.”’”

JEREMIA 27:22

vichadwalwa cha Babuloni, navo vichakaia aho hata iyo ngelo uchaavizighana; niko uchaaviwunja na kuviwika sena andu aha.”

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 30:18

BWANA waghamba huwu, “Olenyi nichariagha sena hema ra kivalwa cha Jakobo, na kukaia na wughoma kwa awo wikaiagha aho. Muzi ghwa Jerusalemu ghuchaaghwa aeni ghorekoghe, na ngome ya mzuri ichakaia aeni erekoghe.

JEREMIA 30:4

Agha nigho malagho BWANA ughighorie aighu ya wandu wa Israeli na Juda,

JEREMIA 31:16

Leka lila, aghia mbori; kwa kukaia kazi kubonyere kwa wana wako ichapata malipo; nawo wichawuya kufuma isanga ja m'maiza.

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 31:27

BWANA waghamba, “Ola matuku ghichacha, nani nichabonya isanga ja Israeli na ja Juda jichulo ni wandu na mfugho.

JEREMIA 31:31

BWANA waghamba, “Ola matuku ghichacha, nani nichabonya ilaghano iwishi na wandu wa Israeli na wandu wa Juda.

JEREMIA 31:38

BWANA waghamba, “Ola matuku ghichacha, na muzi ghwa Jerusalemu ghuchaaghwa sena kwa wundu ghwapo; kufuma Mnara ghwa Hananeli hata Mbenge ya Mbembe.

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

JEREMIA 32:44

Mbuwa richaghulwa kwa pesa, na barua reghua richangirwa sahihi, naro richakabwa muhuri na kushuhudilwa andenyi ya isanga ja Benjamini, na andu kose kuko kaavui na Jerusalemu, na andenyi ya mizi ya Juda, na mizi ya isanga ja mighondinyi, andenyi ya mizi ya Shefela, na mizi ya Negebu; kwa kukaia nichawiwunja sena isangenyi kwawo, ini BWANA naghamba.”

JEREMIA 33:26

aho niko nichaalegha kivalwa cha Jakobo, na mdumiki wapo Daudi, nani sichaamsaghua ungi wa kivalwa chake ubonye nguma aighu ya kivalwa cha Abrahamu, Isaaka na Jakobo. Angu nichawifuya wughoma na kuwiwunja andu kwawo.”

JEREMIA 51:60

Nereandikieghe andenyi ya chuo mawiwi ghose aighu ya muzi ghwa Babuloni, agho malagho ghose nereghiandikieghe aighu ya Babuloni.

EZEKIELI 20:42

Nenyo mchamanya kukaia ini ne BWANA, ingelo nichaamreda andenyi ya isanga ja Israeli; ijo isanga nerewighemieghe weke ndeyo kukaia nichawineka.

EZEKIELI 34:13

Nani nicharifunya kufuma kwa wandu, na kufuma masangenyi. Nicharireda isangenyi jawo jeni, na kurilisha aighu mighondinyi ya Israeli, mbai na mbai ya ndoria ra machi, na andu kose kukailwagha ni wandu isangenyi.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

EZEKIELI 47:14

Nerewighemieghe weke ndeyo kukaia nichawineka isanga iji jikaie ifwa jawo; kwa huwo kujiwaghe kara kara.

JOELI 3:1

BWANA waghamba, “Ngelo iyo nichawiwunjira Juda na Jerusalemu mecha ghawo.

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.

ZEFANIA 3:20

Ngelo iyo nichawiwunja mzinyi awo weresaghisiroghe; nicham'bonya mmboneke wa ishima wurumwengunyi kose, nicham'bonya mkaie nicha sena.” Ini BWANA naghamba.

LUKA 17:22

Nao ukawizera wanughi wake, “Matuku ghichacha, nenyo mchakunda kujiwona jimu ja matuku gha Mwana wa Mdamu, hata ndemchaajiwona anduangi.

LUKA 19:43

Angu matuku ghichacha, na wamaiza wako wichakurighia, wikumarie na kukutangala chia rako rose.

LUKA 21:6

“Agha ghose mughiwonagha, ngelo ichacha msechaawona igho jingi aighu ya mmbao, jisechaaghushwa andoenyi anduangi.”

WUKUMBUSO 30:3

BWANA Mlungu onyu uchamfuya wughoma. Uchammbunja mfume kwa iro mbari oremsaghisireghe, na kummbunjira mecha ghenyu sena.

WUKUMBUSO 30:5

nao uchamreda andenyi ya isanga ijo jerekoghe ja weke ndeyo mpate kujiwusa; nao ucham'bonya mmbone nicha kuchumba, na mtalo ghwa wandu wenyu ghuchurikie kuchumba ghwa weke ndeyo.

WAEBRANIA 8:8

Kwa kukaia Mlungu wawiwona wandu na makosa iji waghamba, “Matuku ghichacha, waghamba Bwana, ngelo nichaabonya ilaghano iwishi na nyumba ya Israeli na nyumba ya Juda.