JEREMIA 30:12 - Biblia Ilagho Jiboie Kwa Wandu Wose

¹² BWANA waghamba, “Kushoghonoka konyu ndekuchaaboa jingi, na chonda chenyu chazamie.

JEREMIA 30:12 ပူးပေါင်းရင်းမြစ်များ

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 15:18

Kwaki luwawo lwapo lusesiagha na chonda chapo chiseboagha? Welee, kuchawuya sa kamoda ka tee kwapo, kara kara na machi ghiomagha?”

JEREMIA 30:15

Kwaki mlalamikagha aighu ya kushoghonoka konyu? Luwawo lonyu ndeluchaasia; kwa kukaia wuwiwi ghonyu ni m'baa na kaung'a renyu ni nyingi, niko nim'bonyere agho malagho.

JEREMIA 6:7

Seji kisima chifunyagha machi ghihorie ni huwo koni Jerusalemu ikaiagha na wuwiwi ghwake; lung'eto na kunoneka vasikirika andenyi yake, wukongo na vonda vawoneka imbiri kwapo kari kose.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

KILILO CHA JEREMIA 2:13

Ee Jerusalemu, mkundwa Jerusalemu, nighora wada? Nikuhoresha wada? Na jingi mndungi ndekorongelo huwu. Wasi ghwako ndeghuwadie mpaka, ghooka sa bahari; isuwirio ndejiko.

EZEKIELI 37:11

Niko Mlungu ukanizera, “Mwana wa mdamu, maindi agha ni wandu wose wa Israeli. Wadaghamba, ‘Maindi ghedu ghaomie na isuwirio jamerie kusia, deesia putu.’

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

MIKA 1:9

Kushoghonoka kwa Samaria ndekudimagha kuboa; Juda walighisa kupatwa ni wasi ugho ghoni; wuwiwi ghwacha hata mbengenyi ra Jerusalemu, andu wandu wapo wikaiagha.”

NAHUMU 3:19

Kushoghonoka kwako ndekurighitikagha, vonda varo ndeviboagha. Wandu wisikiragha malagho ghako, wichakaba chui kwa kuboilwa. Nani useichi kinyanya chako chisene kutua?