JEREMIA 3:4 - Biblia Ilagho Jiboie Kwa Wandu Wose

⁴ “Na idana kwanizera, ‘Oho ko aba, korenikundieghe kufuma niko mwanake;

JEREMIA 3:4 ပူးပေါင်းရင်းမြစ်များ

ZABURI 119:9

Mdawana udima wada kukaia na irangi jielie? Ni kwa kuriwadia Sharia rako.

ZABURI 48:14

“Uhu Mlungu, ni Mlungu odu kwa kala na kala. Uchakaia ukidighenja kari kose.”

ZABURI 71:17

Kwanifundishire kufuma wanake ghwapo ee Mlungu, nani naduagha ngighora malagho gha mabonyo ghako gha mashiniko.

ZABURI 71:5

Oho BWANA ko isuwirio japo; nadakurumiria kufuma wanake ghwapo, ee BWANA.

MAKATANISHO 1:4

Ghim'bonya mundu useichi malagho ukaie na akili, na kufundisha wandu wa irika wikaie na kumanya kuboie.

MAKATANISHO 2:17

Uo ndeko mloli kwa mumi wake; wadaliwa maghemi ubonyere imbiri ya Mlungu.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

JEREMIA 31:22

M'mara-mara hata lii, inyo wandu mserumirikie? Ini BWANA nabonyere ilagho iwishi ndoenyi, ja muka kumlindia mndwawomi.”

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

HOSEA 2:15

Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MALAKI 2:14

Mwamkotia kwaki wawuyalegha kughirumiria. Ni kwa kukaia BWANA wawuyamanya angu kwachikanyire malaghiro korebonyereghe na muka kumlowue ngelo ya wudawana ghwako. Orekoghe mngara wako, ela kwachikanyire ilaghiro jako kwake hata ngera kodelaghira imbiri ya Mlungu kukaia kuchakaia mloli kwake.