JEREMIA 3:25 - Biblia Ilagho Jiboie Kwa Wandu Wose

²⁵ Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

JEREMIA 3:25 ပူးပေါင်းရင်းမြစ်များ

ZABURI 106:6

Dabonyere kaung'a sa weke wawa; dakosere, dikabonya mawiwi.

ZABURI 106:7

Iji weke wawa werekoghe Misri, ndeweretalieghe kazi rako ra mashiniko; ndewerekumbukieghe wungi ghwa lukundo lwako lukatie, ela wikamlegha Uo-Uko-Aighu-Nandighi aja Bahari ya Shamu.

ZABURI 109:29

Washitaki wapo ndewiinjiro ishima, wiro waya ghwawo sa ikoti.

MAKATANISHO 13:18

Kumenya mafundisho kwadareda wukiwa na waya, ela uo usikiragha mafundisho, uchanekwa ishima.

MAKATANISHO 5:13

Nerelemeloghe ni kusikira walimu wapo, ngalemwa ni kudegha kudu kwa wandu wapo werekoghe wikinighoria.

ISAYA 48:8

Jingi ndekorerisikireghe hata kurimanya, kufuma konkala uko madu ghako ndeghifungukie, kwa kukaia nerekumanyireghe kukaia mundu wa mikalo na kufuma kuvalwa kwako korekoghe mundu olegha mawonyero.

ISAYA 50:11

Inyo mmbose m'bonyagha njama retotesha wazima, mchatoteshwa ni njama renyu reni. BWANA moni uchabonya maza iri rikaie nenyo mchapata wasi m'baa.

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 14:20

Darumiria wuwiwi ghodu ee BWANA, na makosa gha weke aba wori daghirumiria kwa kukaia deekubonyera oho kaung'a.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 2:26

BWANA waghamba, “Seji kitoi chifwagha waya ingelo chawadwa, ni huwo koni Israeli uchaafwa waya, awo weni, na wazuri wawo, na wabaa wawo wa wandu, na wakohani wawo, na walodi wawo

JEREMIA 20:18

Kwaki nerefumagha kifunyi eri niwoneghee matiriro na wasi, na kumeria matuku ghapo ngifwa waya?

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 31:19

Diendaghaluka na mbai, dawurie dikahea; na diendafundishwa, dikakukaba diweni barenyi; derefueghe waya dikafwa ngolo, kwa kukaia deredukieghe waya ghwa wanake ghodu.’

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

JEREMIA 7:19

Welee, ni ini wawuyanivavira? Wele ndawaawuyakuvavira na kukufusha waya wenii anguwada?

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

JEREMIA 9:18

Wandu waghamba, “Ndewishashire wiwoke kulila kwa wundu ghodu, meso ghedu ghichulo ni mbori; na vikunya vedu vidie mbori.”

KILILO CHA JEREMIA 5:16

Vilambo vose derekukasagha navo vasirie. Ni bugha kodu angu dibonyere kaung'a.

KILILO CHA JEREMIA 5:7

Weke wawa wabonyere kaung'a, nawo waidie; nesi daawuyapata wasi kwa wundu ghwa kaung'a rawo.

EZEKIELI 2:3

Ukanizera, “Mwana wa mdamu, ini naawuyakuduma kwa wandu wa Israeli, iyo mbari isesikiragha, awo winileghagha; awo chiaimweri na weke ndee wibonyere makosa aighu yapo hata linu.

EZEKIELI 36:32

Nakunde mmanye angu siwuebonya huwo kwa wundu ghonyu ini Bwana MLUNGU naghamba. Fonyi waya mkambo ni chongo kwa wandu ghwa mighendo enyu, ee wandu wa Israeli.”

EZEKIELI 44:13

Ndewichaacha kaavui nani kunidumikia sa wakohani, hata ndewichaavisoghodera vilambo va wueli na vilambo va wueli vichumbie; ela wichaduka waya ghwawo kwa wundu ghwa ugho wuchafu wighubonyere.

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

ZEFANIA 1:17

BWANA waghamba, “Nichareda wasi aighu ya wadamu, wipate kughenda sa wandu wisewonagha. Wanibonyera kaung'a, na idana bagha yawo ichadika sa machi, na mimbi yawo ichawoa andonyi sa mavi.”

WAROMA 6:21

Morepatireghe fwaidaki ngelo iyo, kwa kubonya maza iro mwawuyariwonia waya idana? Angu kutua kwa maza iro ni kifwa.

WATANYI 2:2

Msebonye ilaghano jingi na wandu wa isanga iji; nenyo mcharivuchua madhabahu rawo.’ Ela ndem'bonyere seji neremzerieghe. Ni ilaghoki iji mujibonyere?