JEREMIA 3:24 - Biblia Ilagho Jiboie Kwa Wandu Wose

²⁴ “Ela kufuma wanake ghodu, ughu wutasi ghwa milimu ghodifusha waya ghwanonie mali rose weke aba werepatireghe kwa wudumiki ghwawo, ng'ondi na ng'ombe rawo, na wana wawo wa womi na wa waka.

JEREMIA 3:24 ပူးပေါင်းရင်းမြစ်များ

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 44:7

“Na idana Ini BWANA wa majeshi, Mlungu wa Israeli nakotia kwaki mkubonyeragha mmbeni wuwiwi ghung'ane huwu ghowimeria womi na waka, wanake na awo wiongagha andenyi ya Juda, hata msowe masighariko ghangi gha wandu?

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

JEREMIA 9:18

Wandu waghamba, “Ndewishashire wiwoke kulila kwa wundu ghodu, meso ghedu ghichulo ni mbori; na vikunya vedu vidie mbori.”

EZEKIELI 16:19

Hata na mkate nerekunekieghe ghuboisiro kwa mufu ghudendere, na mavuda, na wuki, eri kupate kuja, koreghuwikieghe imbiri ya iyo milimu ipate kunukilwa nicha. Ini Bwana MLUNGU naghamba.

EZEKIELI 16:20

“Sena kukawada wana wako wa womi na wa waka korenivaieghe, kukawifunya kizongona kwa iyo milimu. Welee, ugho wumalaya ghwako kunibonyere ndeghukate,

EZEKIELI 16:61

Niko aho kuchaakumbuka mighendo yako na kufwa waya, ingelo nichaawiwada wanyinyu wabaa na watini, na kuwibonya wiwuye wana wako, ela si kunughana na ilaghano nerejibonyereghe na oho anduangi.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

HOSEA 10:6

Ugho mlimu ghuchadukwa cha Ashuru ghukaie inosi kwa mzuri. Israeli uchafushwa waya nandighi kwa wundu ghotasa milimu.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.