JEREMIA 3:21 - Biblia Ilagho Jiboie Kwa Wandu Wose

²¹ Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

JEREMIA 3:21 ပူးပေါင်းရင်းမြစ်များ

AYUBU 33:27

Uchacha imbiri ya wandu ukighamba: ‘Nabonyere kaung'a, ngailaghasha hachi; ela Mlungu ukanifuya wughoma.

MAKATANISHO 10:9

Mundu ughendagha nicha, uchakaia banana, ela mundu useko mloli, uchamanywa.

MAKATANISHO 19:3

Iji wukelu ghwa mundu ghwammnonia mipango yake, wadam'bonyera BWANA machu.

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

JEREMIA 12:12

Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

JEREMIA 13:25

Ihi niyo kura yako na ifungu jako nimerie kukupimia, kwa kukaia kwamerie kuniliwa na kuirumiria milungu ya tee.

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

JEREMIA 3:2

Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

EZEKIELI 23:35

Kwa huwo Bwana MLUNGU waghamba huwu, “Kwa kukaia kwanileghie hata kukaniwikia mghongo, kuchaduka msigo ghwa wulaki na wumalaya ghwako.”

EZEKIELI 7:16

Na wandu wangi wisigharikagha na kufufunuka, wichakaia aighu mighondinyi sa mbughi ra vololonyi, wikikulilia weni kwa wundu ghwa makosa ghawo.

HOSEA 13:6

Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

MIKA 3:9

Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee.

MITALO 22:32

Malaika wa BWANA ukamzera, “Kwaki kwamkaba punda wako mando adadu? Ola nacha nikutangale angu kulagharilo ni chia rapo;

2 WAKORINTHO 7:10

Angu kuwawa komzighana Mlungu kwadareda kuhea hata kuvikia kukia, nako ndekuvaviragha, ela kuwawa kwa wurumwengu kwadareda kifwa.