JEREMIA 3:19 - Biblia Ilagho Jiboie Kwa Wandu Wose

¹⁹ BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

JEREMIA 3:19 ပူးပေါင်းရင်းမြစ်များ

ZABURI 106:24

Niko werejileghieghe ijo isanga jiboie, kwa kukaia weresowieghe irumirio na ilaghiro jake.

ZABURI 16:6

Manosi kuninekie ni gha mashiniko, ghaboie na ndighi.

ZABURI 89:26

Nao uchanililia, ‘Oho ko Aba na Mlungu wapo; ko mlindiri wapo na mkiri wapo.’

MAKATANISHO 3:35

Wandu wa hikima wichanekwa ishima, ela wakelu wichasowelwa ishima.

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 12:10

Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 3:4

“Na idana kwanizera, ‘Oho ko aba, korenikundieghe kufuma niko mwanake;

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

JEREMIA 5:7

BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

EZEKIELI 20:6

Ituku ijo nerewibonyereghe ighemi kukaia nichawifunya isanga ja Misri, niwighenje isanga nerewilolieghe nimoni; isanga jinorie nandighi, sena isanga jighokie kuchumba masanga ghose.

DANIELI 11:16

Kilongozi wa Siria uchabonya sa iji koni ukunde, usetangalwagha ni mndungi; uchangia hata andenyi ya Isanga ja Ilaghiro, na kujibonyera nguma.

DANIELI 11:41

Uchangia hata Isanga ja Ilaghiro, na maelfu ikumi gha wandu wichabwaghwa. Ela masanga gha Edomu na Moabu na andu kubaa kwa Waamoni, wandu waro wichafufunuka.

DANIELI 11:45

Nao uchadunga hema rake ra kiwuzuri ghadi na ghadi ya bahari na ghuja mghondi ghughokie ghwa wueli andu Hekalu ikaiagha. Ela sena uchafwa usepatire mndungi omtesia.”

DANIELI 8:9

Kufumanya na lumu lwa chwembe inya, lukabuka lwembe lumu lutini; ndighi yake ikaera cha kusinyi na mashariki, na cha Isanga ja Ilaghiro.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WAEFESO 1:5

Mlungu orebonyere mpango ghwa kusaghulwa kodu kwa lukundo, dipate kukaia wana wake kwa chia ya Jesu Kristo, kunughana na mpango ghwake seji orekundieghe moni;

WUKUMBUSO 14:1

“Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.

WAEBRANIA 10:39

Ela isi ndediko wa awo wiwuyagha nyuma na kutota, ela deko wa awo wiko na irumirio jekira roho redu.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.