JEREMIA 3:18 - Biblia Ilagho Jiboie Kwa Wandu Wose

¹⁸ Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

JEREMIA 3:18 ပူးပေါင်းရင်းမြစ်များ

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

ISAYA 43:5

Kusakeobua, angu ini neko andwamweri na oho, nichareda kivalwa chako kufuma mashariki, na kuwikwanya kufuma magharibi.

ISAYA 43:6

Nichaizera kaskazinyi, wilekerie, na kusinyi nichaizera, Kusakewighiria! Redenyi wana wapo wa womi na wa waka kufuma aho kula kutuonyi kwa ndoenyi,

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 23:8

ela wichaghema, ‘Sa iji BWANA uko moyo, uo orewilongozereghe na kulongoza kivalwa cha nyumba ya Israeli kufuma isanga ja kaskazinyi, na kufuma masanga ghose orewiwingieghe;’ nawo wichakaia isangenyi jawo jeni.”

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

JEREMIA 50:20

Matuku agho na ngelo iyo, wandu wichalola wuwiwi andenyi ya Israeli wiisowe; wichalola kaung'a andenyi ya Israeli wighusowe; wichalola kaung'a andenyi ya Juda, nawo ndewichaaiwona, kwa kukaia nichawifuya wughoma awo nichaawisighara.”

JEREMIA 50:4

BWANA waghamba, “Matuku agho na ngelo iyo, wandu wa Israeli na wandu wa Juda, wichacha chiaimweri wikilila; nawo wichamlola BWANA Mlungu wawo.

JEREMIA 50:5

Wichakotia chia eghende cha Sioni na mawushu ghawo ghikilangaya aho, wikighamba, ‘Choonyi diwadane na BWANA kwa ilaghano ja kala na kala jisechaaliwika jingi.’

JEREMIA 7:7

niko na ini nichamsigha mkaie aeni aha isangenyi ijo nerewinekieghe weke ndeyo kokala, mpate kujikaia kwa kala.

EZEKIELI 11:17

“Kwa huwo kuwighorie kukaia ini Bwana MLUNGU nichawikwanya wifume kwa awo wandu na kuwitumbanya chiaimweri kufuma kwa agho masanga andu weresaghisiroghe; nani nichawineka isanga ja Israeli.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

HOSEA 11:12

BWANA waghamba, “Wandu wa Israeli wanimara chia rose kwa mikalo na tee, na wandu wa Juda waduagha wikinilegha ini, mloli na Mlungu mweli.

HOSEA 2:2

BWANA waghamba, “Wana wapo, mvoyenyi mayo, mumvoye - kwa kukaia si muka wapo kungi, na ini se mumi wake anduangi - upate kughaluka na kughusigha wumalaya ghwake, na wulaki ghwake gholeghakaia mloli;

AMOSI 9:15

Nichawiwika na kuwimangisha isangenyi jawo, nawo ndewichaafunywa sena ijo isanga nerewinekieghe,” waghamba BWANA Mlungu wako.

ZEKARIA 10:6

“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

ZEKARIA 2:6

BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.”