JEREMIA 3:17 - Biblia Ilagho Jiboie Kwa Wandu Wose

¹⁷ Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 3:17 ပူးပေါင်းရင်းမြစ်များ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

1 WAZURI 8:41

“Wokoni mghenyi useko wa mbari ya wandu wako Israeli, ukacha kwa irina jako kufuma isanga ja kula,

ZABURI 102:23

BWANA wanisirisha ndighi niko mwana; waghipunguzire matuku ghapo.

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ZABURI 87:3

Malagho mecha ghaghorwa aighu yako, ee muzi ghwa Mlungu.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 56:6

“Na waghenyi awo wikufunyire kukukwanya na BWANA, wimdumikie na kujikunda irina jake wikikaia wadumiki wake, kula mundu uiwadiagha Sabato kuseko na kuinona, nao wamaziria ilaghano japo,

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

ISAYA 6:1

Mwaka ghuja Mzuri Uzia orefueghe, neremmbonieghe BWANA uko kidombo aighu ya kifumbi chake cha nguma chiwusirilo ighu, na irwao jake jerechueghe Hekalunyi.

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

JEREMIA 11:8

Ela ndewerenisikireghe, hata kudegha madu ghawo kwapo, ela kula umu wawo oreghendieghe kwa kukua kwa ngolo rawo mbiwi. Kwa wundu ugho niko nerewiredieghe njowe kunughana na malagho ghose gha iji ilaghano nerewilaghirieghe wibonye, ela ndewerebonyereghe anduangi.”

JEREMIA 12:15

Nani ngameria kuwifunya, awo wawiwi, wughoma nichawifuya sena, na kummbunja kula umu wawo andenyi ya ifwa jake na isanga jake.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 14:21

Kwa wundu ghwa irina jako, kusakedimenya; kusakechisowia ishima kifumbi chako cha nguma, kumbuka ilaghano jako korebonyereghe nesi ee BWANA, kusakejichikanya.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 17:12

Andu kodu kwa wueli, ni aho kifumbi cha nguma cha wubaa chiwikilo, chiko koighu kufuma kuzoenyi.

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

EZEKIELI 1:26

Naighu ya mawingunyi, agho gherekoghe naighu ya vongo vawo, korekoghe na kilambo chifwanane na kifumbi cha nguma chiko sa safire; na uo orechiserieghe orefwananeghe na mdamu.

EZEKIELI 43:7

ukanizera, “Mwana wa mdamu, aha ni andu kwa kifumbi chapo cha nguma, sena ni andu kowikiria chwau rapo, andu nichaakaia aghadi ya wandu wa Israeli kwa kala na kala. Wandu wa Israeli chiaimweri na wazuri wawo, ndewichaajilusha irina japo kwa kutasa milimu yawo sena, angu kwa kurika gharia ra wazuri wawo aha;

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.

MITALO 15:39

Mchakaia mkizighanagha ijo ifindikio na kukumbukagha malaghiro ghose gha BWANA mpate kughibonya; eri msechebonya seji ngolo renyu righeshagha kunughana na maza muriwonagha na meso ghenyu; iro mkundagha kurinugha kwa bea mbaa.

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

WAROMA 6:14

Angu kaung'a ndeichaabonya nguma aighu yenyu anduangi, kwa kukaia ndemduagha aisi ya Sharia, ela moko aisi ya mvono.

WAGALATIA 4:26

Ela Jerusalemu ghwa mlungunyi ghooka huru, nagho nuo mao.

WUKUMBUSO 29:29

“Iro maza rivisikie ni ra BWANA Mlungu odu; ela iro rifunukulo, ni redu na wana wedu kwa kala na kala; eri dipate kubonya maza rose ra sharia ihi.

WATANYI 2:19

Ela nyuma ya uo mtanyi kufwa, werekoghe wikiwuya nyuma na kubonya maza richumbie rija ra imbiri rerekoghe rikibonywa ni weke ndee kwa kuidumikia na kuighoghomia milungu mizima; wikadua andenyi ya lung'eto na mabonyo ghawo mawiwi.