JEREMIA 3:15 - Biblia Ilagho Jiboie Kwa Wandu Wose

¹⁵ “Nani nichamneka wabonyi nguma wiko na ngolo sa yapo, nawo wicham'bonyera nguma na kumchura hikima na kumanya.

JEREMIA 3:15 ပူးပေါင်းရင်းမြစ်များ

MAKATANISHO 10:21

Malagho gha mundu wa hachi ghadawitesia wandu wengi, ela wakelu wafwagha kwa kusowa akili.

JEREMIA 23:4

Nichawika wabonyi nguma wazima awo wichaawibonyera nguma nicha na kuwilindia. Ndewichaaobua sena, hata ndewichaafushwa waya, angu ungi kulaghaya sena anduangi.

JEREMIA 31:10

BWANA waghamba, “Sikirenyi ilagho japo inyo mbari ra wandu, mghorie masanga gha pwani ghiko kula mghambe, ‘U orewisaghisireghe wandu wa Israeli, nao uchawitumbanya sena, seji mlisha ulindiagha chagha chake.’

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

1 WAKORINTHO 2:6

Elaima daghoragha na hikima kwa awa wizoghue kiroho, si hikima ya ngelo iri, angu ya wabonyi nguma wa ngelo iri wiidagha anduangi.

1 PETRO 2:2

Sa wana wavalwa idakoni, ghikundenyi nandighi agho mariwa ghielie gha kiroho, ghipate kumzoghora hata mvikie kukia;

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”