JEREMIA 28:1 - Biblia Ilagho Jiboie Kwa Wandu Wose

¹ Mwaka ugho ghoni, Zedekia mzuri wa Juda ukizoya kubonya nguma, mori ghwa kasanu ghwa mwaka ghwake ghwa kana, Hanania mwana wa Azuri, mlodi ufumie Gibeoni, ukadedanya na ini andenyi ya Hekalu, imbiri ya wakohani na wandu wose, ukanizera wei,

JEREMIA 28:1 ပူးပေါင်းရင်းမြစ်များ

1 WAZURI 3:4

Ngelo imu, Solomoni ukaghenda Gibeoni kufunya kizongona, angu aho niko madhabahu yake mbaa erekoghe. Orekoghe wafunya maelfu gha vizongona vekora aighu ya agho madhabahu.

2 WAZURI 24:18

Sedekia orekoghe mundu wa irika ja miaka mirongo iwi na ghumweri ingelo orezoyagha kukaia mzuri. Ukabonya nguma Jerusalemu kwa miaka ikumi na ghumweri; mae orewangwagha Hamutali mwai wa Jeremia wa muzi ghwa Libna.

2 MALAGHO GHA NGELO 36:11

Sedekia orekoghe mundu wa irika ja miaka mirongo iwi na ghumweri iji orezoyagha kubonya nguma; ukabonya nguma Jerusalemu miaka ikumi na ghumweri.

ISAYA 9:15

Mghosi unekelo ishima nuo chongo, na mlodi ulodagha malagho gha tee nuo mkomba.

JEREMIA 23:28

Uo mlodi uko na ndodo yake, ndeghore ndodo yake; na uo mlodi uko na ilagho japo, ndeghore ilagho japo kwa wuloli. Kwani mafozi ni kilamboki kwa ngano.

JEREMIA 27:1

Kuzoya kwa kubonya nguma kwake Zedekia mwana wa Josia mzuri wa Juda, BWANA orenizerieghe huwu,

JEREMIA 27:12

Neremghorieghe Zedekia mzuri wa Juda malagho agho gheni ngimzera, “Mkungire singo renyu andenyi ya ghongolo ya mzuri wa Babuloni, mumdumkie chiaimweri na wandu wake, nenyo mchakaia moyo.

JEREMIA 27:3

Kudume momu kwa wazuri wa Edomu na Moabu, na mzuri wa wana wa Amoni, na mzuri wa Tiro, na mzuri wa Sidoni, kwa kutumia wandu wichagha Jerusalemu kwa Zedekia mzuri wa Juda.

JEREMIA 28:11

Hanania ukaghamba imbiri ya wandu wose, “BWANA waghamba huwu, Huwu niko nichaaichikanya ghongolo ya Nebukadnezari mzuri wa Babuloni ifume singonyi kwa mbari rose andenyi ya miaka iwi.” Ela Jeremia ukaghenda chia yake.

JEREMIA 28:17

Nao mlodi Hanania ukafwa mori ghwa mfungade ghwa ugho mwaka ghoni.

JEREMIA 28:5

Niko mlodi Jeremia ukamzera mlodi Hanania imbiri ya wakohani na imbiri ya wandu wose werekoghe kimusi andenyi ya Hekalu ya BWANA,

JEREMIA 29:15

“Mwawuyaghamba, ‘BWANA wawusirie walodi Babuloni kwa wundu ghodu,’

JEREMIA 36:12

ukasea cha ngomenyi ya mzuri na kungia chumbenyi cha muandiki; na wabaa wose werekoghe kidombo aho. Nawo ni muandiki Elishama, Delaia mwana wa Shemaia, Elnathani mwana wa Akbori, Gemaria mwana wa Shafani, Zedekia mwana wa Hanania, na wabaa wose.

JEREMIA 37:13

Nao iji nerevikieghe Mbenge ya Benjamini, asikari uo orekoghe kilindirinyi aho, uwangwagha Irija mwana wa Shelemia, wawae Hanania, ukaniwada ukighamba, “Kwaawuyakimbia cha kwa Wababuloni.”

JEREMIA 37:19

A walodi wako weko hao, awo wifunyire wulodi wei, ‘Mzuri wa Babuloni ndechaalwa na oho hata na iji isanga?’

JEREMIA 49:34

BWANA oreghorieghe nani aighu ya Elamu, iji Zedekia orezoyagha kubonya nguma.

JEREMIA 51:59

Seraia mwana wa Neria, wawae Mahiseia orekoghe mzighaniri m'baa wa nyumba ya Zedekia mzuri wa Juda. Mwaka ghwa kana ghwa kubonya nguma kwa Mzuri Zedekia, oreghendanyeghe na mzuri cha Babuloni; na ini Jeremia ngamneka malaghiro.

EZEKIELI 13:6

Wadedie malagho ghiseko gha loli, na kulaghua malagho gha tee wikighamba, ‘BWANA waghamba,’ sena usewidumie; na ii chia wikisuwiria BWANA uwikatishire wulodi ghwawo.

HOSEA 7:3

BWANA waghamba, “Wandu wadamkalia mzuri na wabaa wake kwa kutumia njama rawo mbiwi.

JOSHUA 10:12

Ituku ijo BWANA orewinekieghe Waisraeli wusimi aighu ya Waamori. Joshua oreghorieghe na BWANA ukaghamba imbiri ya Waisraeli wose, “Iruwa, kumange aighu ya Gibeoni, Mori, kumange aighu ya vololo ya Aijaloni.”

JOSHUA 9:3

Ela wandu wa Gibeoni, nawo ni Wahivi, iji weresikireghe seji Joshua orebonyereghe Jeriko na Ai,