JEREMIA 27:6 - Biblia Ilagho Jiboie Kwa Wandu Wose

⁶ Idana nanekie mdumiki wapo Nebukadnezari mzuri wa Babuloni agha masanga ghose, sena namnekie nyamandu ra mlambenyi rimdumikie.

JEREMIA 27:6 ပူးပေါင်းရင်းမြစ်များ

2 WAZURI 25:28

Ukam'bonyera mecha na kumneka daraja mbaa kuchumba rose unekie wandu aho Babuloni.

2 MALAGHO GHA NGELO 36:23

“Ini mzuri wa Pashia naghamba kukaia, BWANA uo Mlungu wa mlungunyi waninekie mawuzuri ghose gha ndoenyi, nao wanilaghirie nimuaghie Hekalu Jerusalemu andenyi ya isanga ja Juda. Mndungi uo ose wa wandu wake uko aghadi konyu ndejoke aho, na BWANA Mlungu wake ndekaie andwamweri nao.”

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 22:25

na kumngira mikonunyi kwa awo wandu wilolagha kum'bwagha, awo uwiobuagha, ee, uo Mzuri Nebukadnezari wa Babuloni na Wakaldayo.

JEREMIA 24:1

Nyuma ya Nebukadnezari mzuri wa Babuloni kuwidwa wunyika Jehoiakini mwana wa Jehoiakimu mzuri wa Juda, na wabaa wake, mafundi ghake ghewacha na gechana vuma, kufuma Jerusalemu, BWANA orenifunukuyeghe ngawona vikapu viwi va tini verewikiloghe imbiri ya Hekalu ya BWANA.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 28:14

Ini BWANA, uo Mlungu wa Israeli naringirie mbari iri rose ra wandu ghongolo ya chuma, ripate kumdumikia Nebukadnezari mzuri wa Babuloni; nawo wichamdumikia, kwa kukaia namnekie hata nyamandu ra isakenyi.’”

JEREMIA 43:10

nao kuwizere kukaia ini BWANA wa majeshi uo Mlungu wa Israeli naghamba nichamdumiria mdumiki wapo Nebukadnezari uo mzuri wa Babuloni, nao uchawika kifumbi chake cha nguma aighu ya agha magho kwaghivisa, nao uchadunga hema yake ya kiwuzuri aighu yaro.

JEREMIA 49:30

Ee wandu wa Hazori, kimbienyi mghende kula mkuvise ndenyi; kwa kukaia Nebukadnezari mzuri wa Babuloni wabonyere mpango na makusudi ghelwa nenyo.

EZEKIELI 29:12

Nani nichajibonya isanga ja Misri jiwoneke iduu kuchumba masanga ghose ghiko maduu; na mizi yake ichasighwa miduu kwa miaka mirongo ina aghadi ya mizi yose isighilo miduu. Nichasasara Wamisri aghadi ya iro mbari ra wandu, na kuwisaghisa masangenyi.”

EZEKIELI 30:24

Nichamchuria ndighi mzuri wa Babuloni, na kumneka lufu lwapo mikonunyi kwake; ela nicharimeria ndighi ra mzuri wa Misri nao ucharuma sa mundu washoghonolwa kaavui na kubwaghwa.

DANIELI 4:12

Ghorekoghe na malemba ghiboie, na matunda gherekoghe mengi nandighi. Mudi ugho ghorewinekieghe vindo wandu wose. Nyamandu ra isakenyi rerepatireghe kiju aho; na nyonyi ra mbeonyi rikakupatira wulalo mbashunyi kwaro; kula kiumbe chiko na mumbi cherepatireghe vindo aho.

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.