JEREMIA 27:5 - Biblia Ilagho Jiboie Kwa Wandu Wose

⁵ “Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

JEREMIA 27:5 ပူးပေါင်းရင်းမြစ်များ

KUZOYA 1:25

Nao Mlungu ukabonya nyamandu ra mbari rose ra isakenyi, na mfugho kwa mbari raro, na kula shimandu iavuagha andoenyi kwa mbari raro. Mlungu ukawona vose kukaia vaboie.

KUZOYA 9:6

Mdamu oreumbiloghe kufwanana na Mlungu, kwa huwo uo ose uchaidia bagha ya mdamu, bagha yake ichadilwa ni mdamu wokoni.

1 WAZURI 8:42

(kwa kukaia wichasikira sare ya irina jako, na ndighi rako mbaa) ukacha kulomba ukiilangaya Hekalu ihi,

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

NEHEMIA 9:22

“Korewibonyereghe wisime mawuzuri gha iro mbari, agho masanga ghiko mwano na isanga jawo. Werewadieghe isanga ja Heshboni andu Sihoni orekoghe mzuri, na isanga ja Bashani andu Ogu orekoghe mzuri.

ZABURI 102:25

Oho korewikieghe misingi ya wurumwengu kon kala, na mlungunyi ni kazi ya mikonu yako.

ZABURI 96:5

Milungu yose ya wandu ni milimu tu, ela BWANA oreumbieghe mlungunyi.

KUFUMA 20:11

Angu BWANA oreumbieghe mlungunyi na ndoenyi kwa matuku arandadu, bahari na vose viko andenyi yaro; ukahora ituku ja mfungade. Kwa huwo, BWANA ukajirasimia ituku ja mfungade, ukajielesha.

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

ISAYA 48:13

Mkonu ghwapo nigho ghorebonyereghe msingi ghwa ndoenyi, ee, mkonu ghwapo ghwa kiwomi ghukawika mlungunyi; ngawanga mlungunyi na ndoenyi riawuka kimusi shwa wori.

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

JEREMIA 27:4

Kuwineke malaghiro kukaia, ‘BWANA wa majeshi, uo Mlungu wa Israeli waghambie wiwizere weke bwana wawo huwu,

JEREMIA 32:17

‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

JEREMIA 51:15

BWANA nuo ubonyere ndoenyi kwa kudima kwake, nuo umangishire wurumwengu kwa hikima yake, na kwa kumanya kwake; ukawika mlungunyi.

DANIELI 2:38

Sena wakunekie wadamu andu kose wiko, na nyamandu ra isakenyi, na nyonyi ra mbeonyi, kupate kubonya nguma aighu yawo wose. Oho ko icho chongo cha dhahabu.

DANIELI 4:14

Ukakema na lwaka lubaa ukighamba, ‘Demenyi ugho mudi, mdumbuo mbashu raro na kuangura malemba gharo, msasare matunda ghake, nyamandu ra isakenyi ripate kughenda, na nyonyi ra mbeonyi riinjike noko kufuma mbashunyi raro.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.

DANIELI 4:25

Kuchawingwa kufuma kwa wadamu, na oho kuchakaianya na nyamandu ra isakenyi; kuchaja nyasi sa ng'ombe, na oho kuchakabwa ni mami kwa mishushure ifumagha mlungunyi. Miaka mfungade ichaida, hata kwamanya kukaia Uo Uko Aighu na Ndighi wabonyagha nguma aighu ya mawuzuri gha wadamu, nao wadamneka uo ose umkundagha.

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

WUKUMBUSO 2:19

iji mwalighisa kuvika mwano ghwa kivalwa cha Amoni, msakewisumbua hata msakelwa nawo angu sichaamneka ndoe ingi yawo muiwuse, kwa kukaia namerie kuineka kivalwa cha Loti.’”

WUKUMBUSO 2:21

Awo wandu werekoghe wabaa sena wengi, nawo werekoghe walacha sa Waanaki; ela BWANA ukawitotesha, na Waamoni wikawisoka ijo isanga na kujikaia weni;

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 2:9

BWANA ukanizera ‘Msakewisumbua Wamoabu hata msakelwa nawo, angu sichaamneka ndoe ingi yawo muiwuse, kwa kukaia Ari namerie kuineka kivalwa cha Loti ikaie yawo.’”

WUKUMBUSO 32:8

Iji Uo-Uko-Aighu-Nandighi orewinekieghe iro mbari ifwa jawo, orewikieghe mano ya wandu andu wichaakaia. Ukawikia kula mbari mlungu ghwawo,

WUKUMBUSO 4:17

angu fwana ya nyamandu ingi iko ndoenyi, angu nyonyi ingi iko na mawawa gheburuka mbeonyi;

WUKUMBUSO 4:25

“Kukakaia isangenyi luma hata kughosie, kuve wana, na wana wive weke wawayo; kusebonye mawiwi kwa kuwacha mlimu ghufwananagha na kilambo icho chose imbiri ya BWANA Mlungu wako, kuchawusira machu ghake.

WUKUMBUSO 4:32

“Kotia malagho gha ngelo riidie, iro rerekoghe imbiri kusevalo, kufuma Mlungu waumba mdamu ndoenyi; lola kufuma iichia hata iichia wurumwengunyi kose, kuwone ngera jingi ilagho sa iji jabonyekie angu kusikirwa andu kungi.

WUKUMBUSO 4:35

BWANA odekuwonyera huwo, eri kupate kumanya angu uo nuo Mlungu, na angu ndekuwadie ungi mzima uko sa uo.

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

WUKUMBUSO 9:29

Angu awo ni ifwa jako; awo korewifunyireghe kwa ndighi rako mbaa na kwa wusimi ghwako m'baa.’

WAKOLOSAI 1:16

Angu andenyi kwake uo, vilambo vose vereumbiloghe; va mlungunyi na va ndoenyi, ivo viwonekagha na ivo visewonekagha; ngera ni awo wibonyagha nguma, angu wazuri, angu wubaa, angu kudima; vilambo vose vereumbiloghe kwa chia yake na kwa wundu ghwake.

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

WUFUNUO 4:11

“Kwafwana oho Bwana odu na Mlungu odu, kughuwusa wubaa, na ishima na kudima; angu oho koreumbieghe vilambo vose, na kwa kukunda kwako oho, vereumbiloghe, vikakaia.”