JEREMIA 27:15 - Biblia Ilagho Jiboie Kwa Wandu Wose

¹⁵ BWANA ooghora ndewidumie kungi, ela waawuyamfunyira wulodi ghwa tee kwa irina jake; na ii chia malagho ghake ghiakatia agho umzerie uchammbinga noko, nenyo mchatota chiaimweri na awo walodi wawuyamfunyira wulodi.”

JEREMIA 27:15 ပူးပေါင်းရင်းမြစ်များ

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 20:6

Na oho Pashuri chiaimweri na wose wikaiagha nyumbenyi kwako, mchadwalwa wunyika cha Babuloni; kuchaghenda na kufuya aho, kurikilo aho, chiaimweri na waghenyi wako awo kwawilodera tee.’”

JEREMIA 23:15

Kwa huwo, BWANA wa majeshi waghora huwu aighu ya walodi wa Jerusalemu, “Olenyi nichawijisha vindo viwawie, na kuwinyosha machi ghibirie; kwa kukaia wamerie kueresha kuja kuleghamuobua Mlungu isangenyi jose.”

JEREMIA 23:21

BWANA waghamba, “Ini siwidumie awa walodi, ela wikaghenda; sighorie nawo, ela sena wikafunya wulodi.

JEREMIA 23:25

Namerie kusikira malagho gha walodi wifunyagha wulodi ghwa tee kwa irina japo wikighamba, ‘Nalodere ndodo! Nalodere ndodo!’

JEREMIA 27:10

Angu waawuyamfunyira wulodi ghwa tee; mchawona mkidwalwa noko kula na isanga jenyu, nani nichammbinga noko mpate kutota.

JEREMIA 29:8

Angu ini BWANA wa majeshi, uo Mlungu wa Israeli naghamba huwu, Msesighe walodi wenyu, na wandu wenyu wetambua pepo wiko aghadi konyu wimkalie, hata msakesikira ndodo rawo wilodagha;

JEREMIA 29:9

kwa kukaia waawuyamfunyira wulodi ghwa tee kwa irina japo, ini siwidumie.’

JEREMIA 38:22

Ola waka wose weresigharikieghe andenyi ya ngome ya mzuri wa Juda werekoghe wikighenjwa shighadi kwa wabaa wa mzuri wa Babuloni; nawo werekoghe wikighamba, ‘Waghenyi wako kuwirumirie weekukalia wikakusima; na idana angu maghu ghako ghangia mazozonyi, wakusigha kuekeri.’

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.