JEREMIA 27:12 - Biblia Ilagho Jiboie Kwa Wandu Wose

¹² Neremghorieghe Zedekia mzuri wa Juda malagho agho gheni ngimzera, “Mkungire singo renyu andenyi ya ghongolo ya mzuri wa Babuloni, mumdumkie chiaimweri na wandu wake, nenyo mchakaia moyo.

JEREMIA 27:12 ပူးပေါင်းရင်းမြစ်များ

MAKATANISHO 1:33

Ela uhu unisikiragha uchadua banana; uchakaia banana, nao ndechaobua kiwiwi chingi anduangi.”

JEREMIA 17:4

Wichajisigha isanga jerekoghe ifwa jawo nerewinekieghe, nani nichawibonya widumike andenyi ya isanga wisejiichi, kwa kukaia wawusira machu ghapo, nagho ghichaaka sa modo kwa kala.”

JEREMIA 21:9

Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

JEREMIA 27:8

“‘“Ela mbari angu wuzuri ghungi ghukalegha kumdumikia Nebukadnezari mzuri wa Babuloni, na kurumiria kungira singo rawo andenyi ya ghongolo yake, nichaikaba ija mbari kwa wuda, na kwa njala, na kwa saka izamie, waghamba BWANA; hata nam'bonya Nebukadnezari uwimerie putu.

JEREMIA 28:1

Mwaka ugho ghoni, Zedekia mzuri wa Juda ukizoya kubonya nguma, mori ghwa kasanu ghwa mwaka ghwake ghwa kana, Hanania mwana wa Azuri, mlodi ufumie Gibeoni, ukadedanya na ini andenyi ya Hekalu, imbiri ya wakohani na wandu wose, ukanizera wei,

JEREMIA 28:2

BWANA wa majeshi, uo Mlungu wa Israeli waghambie huwu, “Namerie kuchikanya ghongolo ya mzuri wa Babuloni.

JEREMIA 38:17

Nao ngamzera Zedekia kukaia, BWANA, uo Mlungu wa majeshi, Mlungu wa Israeli waghamba huwu, “Kukakufunya kwa wabaa wa mzuri wa Babuloni, kuchakira irangi jako, na ughu muzi ndeguchaakorwa anduangi, na oho na nyumba yako mchakaia banana.

JEREMIA 42:11

Msakemuobua uo mzuri wa Babuloni, uo mwawuyamuobua; msemuobuo, angu ini neko andwamweri na inyo, nipate kumkira na kumvuvua kufuma mikonunyi kwake.