JEREMIA 27:10 - Biblia Ilagho Jiboie Kwa Wandu Wose

¹⁰ Angu waawuyamfunyira wulodi ghwa tee; mchawona mkidwalwa noko kula na isanga jenyu, nani nichammbinga noko mpate kutota.

JEREMIA 27:10 ပူးပေါင်းရင်းမြစ်များ

KUFUMA 22:18

“Kusakemsigha msawi wa waka ukaie moyo.

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 23:16

BWANA wa majeshi waghora huwu, “Msesikire malagho gha walodi wimloderagha wikimneka isuwirio ja tee; waawuyaghora malagho gha akili rawo reni, ndeghifumie momunyi kwapo anduangi.

JEREMIA 23:25

Namerie kusikira malagho gha walodi wifunyagha wulodi ghwa tee kwa irina japo wikighamba, ‘Nalodere ndodo! Nalodere ndodo!’

JEREMIA 27:14

Msakewisikira awa walodi wimzeragha wei ‘Msekufunye kwa mzuri wa Babuloni,’ kwa kukaia waawuyamfunyira wulodi ghwa tee.

JEREMIA 27:15

BWANA ooghora ndewidumie kungi, ela waawuyamfunyira wulodi ghwa tee kwa irina jake; na ii chia malagho ghake ghiakatia agho umzerie uchammbinga noko, nenyo mchatota chiaimweri na awo walodi wawuyamfunyira wulodi.”

JEREMIA 27:16

Niko ngawighoria wakohani na wandu wose ngaghamba, “BWANA waghorie huwu, msesikire malagho gha walodi wenyu, awo wawuyamfunyira wulodi wikighamba, ‘Vilambo vose va Hekalu valighisa kuwunjwa kufuma Babuloni,’ kwa kukaia waawuyamfunyira wulodi ghwa tee.

JEREMIA 28:11

Hanania ukaghamba imbiri ya wandu wose, “BWANA waghamba huwu, Huwu niko nichaaichikanya ghongolo ya Nebukadnezari mzuri wa Babuloni ifume singonyi kwa mbari rose andenyi ya miaka iwi.” Ela Jeremia ukaghenda chia yake.

JEREMIA 28:16

Kwa huwo BWANA waghamba huwu, ‘Ola nichakuinja kufuma ndoenyi. Kuchafwa ughu mwaka ghoni, kwa kukaia kwaghora malagho ghemlegha BWANA.’”

JEREMIA 32:31

Wandu wa muzi ughu wanibonyere ngajokwa ni machu kufuma ghwaaghwa hata linu; kwa huwo nichaghuinja niseghuwoneghe

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

DANIELI 4:7

Niko wasawi na waghanga, na Wababuloni, na wamanyi wa nyerinyeri wikacha; ngawighoria ndodo yapo, ela ndeweredimieghe kunitambishira kutambua kwaro.

ZEKARIA 10:2

Wandu weelaghaya sa ng'ondi wikilola njama kwa milimu; walaghui wiaghora malagho gha tee; wandu wamu wiafasiri ndodo ra tee relaghasha; waja wasi kwa kusowa kilongozi.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

WUKUMBUSO 18:10

Mndungi onyu usewoneke ukimfunya mwana wake wa womi angu wa waka kizongona kwa kumuisa aghadi ya modo, angu mndungi ulaghuagha,