JEREMIA 26:6 - Biblia Ilagho Jiboie Kwa Wandu Wose

⁶ nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 26:6 ပူးပေါင်းရင်းမြစ်များ

2 WAZURI 22:19

na kwa kukaia kwaherie na kukusera imbiri kwapo ngelo koresikireghe sa iji nighorie aighu ya muzi ughu na wandu wake, seji wichaachelwa ni wuduu na njowe, kukarashua nguwo rako na kulila imbiri kwapo, nanimoni nakusikira; ini BWANA naghamba.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 25:18

Jerusalemu na mizi yose ya Juda na wazuri wawo na wabaa wawo wikanywa; wipate kuwuya wuduu, wa kumenywa, kusekwa na wa kuwasirwa njowe seji koni iko linu.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 29:22

Na kwa wundu ghwawo, wandu wose wa Juda widwalo wunyika, na awo wiko Babuloni, wichakaia wikitumia malagho agha kwa kuwasira njowe, “BWANA ndekubonye sa Zedekia na Ahabu awo wereocheloghe wimoo ni Nebukadnezari mzuri wa Babuloni;”

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

KILILO CHA JEREMIA 2:15

Wandu wawuyaida kaavui na muzi waawuyakuzighana kwa lumenyo. Wasughusa vongo vawo na kuseka kunoneka kwa Jerusalemu. Wakotia “Welee, ughu ni ghuja muzi ghoni ghorekoghe ghughokie? Nigho ghoni wurumwengu ghorekukasagha nagho?”

KILILO CHA JEREMIA 2:16

Wamaiza wako wose wakudema sare na kukuzighana kwa lumenyo. Wachunua memu yawo na kuzoma wikighamba, “Dameria kughunona. Wakema, iji nijo ituku derejisuwirieghe, idana dajipata, dajiwona.”

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

ZEKARIA 5:3

Niko ukanizera, “Chuo ichi chaandikilo njowe ighenjwaghwa isanga jose. Luwaru lumu chaandikilo kula kitoi uchainjwa isangenyi; na luwaru lumu chaandikilo kula mundu ughoragha tee kwa ighemi uchainjwa.

MALAKI 4:6

Uchawipatanisha weke aba na wana, eri nisecheikaba ndoe na kuitotesha.”

JOSHUA 18:1

Hata iji wameria kusima isangenyi, izungu jose ja wandu wa Israeli jikakwanyika Shilo na kuidunga iyo Hema Ekwania.