JEREMIA 26:5 - Biblia Ilagho Jiboie Kwa Wandu Wose

⁵ na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

JEREMIA 26:5 ပူးပေါင်းရင်းမြစ်များ

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

2 WAZURI 17:23

hata BWANA ukameria kuwiinja Israeli usewiwoneghe sa iji koni orewighorieghe kwa memu ya wadumiki wake walodi. Niko Waisraeli wikakaia wibarishiro isangenyi jawo hata idime.

2 WAZURI 24:2

BWANA ukamdumia Jehoiakimu majeshi gha Wakalidayo, na majeshi gha Wasiria, na majeshi gha Wamoabu, na majeshi gha Waamoni eri Juda ipate kutoteshwa kunughana na ilagho ja BWANA jighorelo ni wadumiki wake walodi.

2 WAZURI 9:7

Na oho kuchaikaba nyumba ya Ahabu bwana wako, nipate kulipia kisasi aighu ya Jezebeli, kwa wundu ghwa kuidia bagha ya wadumiki wapo walodi, na bagha ya wadumiki wose wa BWANA.

EZRA 9:11

Dalemelo ni kuwadia malaghiro kudilaghirie kwa chia ya wadumiki wako walodi. Weredighorieghe kukaia isanga dawuyajiwusa ni isanga jiseelie, kwa kukaia wandu wawuyajikaia kufuma kutua uku hata kutua kuja wadabonya maza rizamie ra wuchafu.

JEREMIA 11:7

Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

JEREMIA 44:4

Nani nerewidumieghe wadumiki wapo walodi wose konyu sena na sena ngighamba, ‘Msebonye ughu wuwiwi niseghukunde.’

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

JEREMIA 7:25

Kufuma ituku jija nerewifunyireghe weke ndeyo isanga ja Misri hata idime, sisighie jingi kuwidumia wazumba wapo tuli tuli,

EZEKIELI 38:17

Ini Bwana MLUNGU naghamba huwu: Welee, si oho kumoni nerekughoragha ngiwitumia wadumiki wapo walodi wa Israeli kokala, wikiloda kwa miaka mingi kukaia nichakureda kupate kulwa na Israeli?”

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

WUFUNUO 10:7

Ela iji malaika wa mfungade uchaaikaba tarumbeta yake, iyo ngasu ya Mlungu oreighorieghe ukitumia wadumiki wake, awo walodi, ichakatishwa.

WUFUNUO 11:18

Wandu wa iro mbari werezamiloghe na ndighi; ela ngelo ya machu ghako yavika, na ngelo ya wafu kutanywa; kupate kuwineka mafungu ghawo awo walodi na waeli, na awo wijiobuagha irina jako wose, wabaa na watini; na kwa wundu ghowinona awo wanoni wa ndoenyi.”