JEREMIA 26:16 - Biblia Ilagho Jiboie Kwa Wandu Wose

¹⁶ Niko wabaa wa wandu wose wikawizera wakohani na walodi, “Ndeifwane umundu utanyo kifwa, kwa kukaia waghora nesi kwa irina ja BWANA Mlungu odu.”

JEREMIA 26:16 ပူးပေါင်းရင်းမြစ်များ

ESTA 4:14

Kukanyama kima ngelo ihi, wutesia ghuchawichea Wayahudi kwa chia zima, nawo wichakia, ela oho kuchafwa na kichuku cha ndeyo chichasia. Elaima, nani umanyagha kewada ni kwa wundu ughu niko kukabonywa kukaia malkia!”

ZABURI 94:16

Nani uchaakufunya unitesie kulwa na wawiwi? Nani uchaanitesia kulwa na wabonyi kiwiwi?

MAKATANISHO 16:7

Mundu ukakaia na mighendo im'boiagha BWANA, uchabonya hata wamaiza wake wikaie na sere nao.

JEREMIA 26:11

Niko wakohani na walodi wikawizera wabaa chiaimweri na wandu wose, “Umundu wafwane utanyo kifwa, kwa kukaia wafunyire wulodi kiwiwi aighu ya ughu muzi, sa iji koni mwasikira kwa madu ghenyu gheni.”

JEREMIA 34:10

Wabaa wose wikasikira, na wandu wose werengirieghe andenyi ya ijo ilaghano wikasikira; awo werelaghirieghe kukaia kula umu wawo umsighe mzumba wake ukaie huru, ukaiagha wa womi angu wa waka, wisewuekaia wazumba sena; nawo wikasikira, na kuwisigha wikaie huru.

JEREMIA 36:19

Wabaa wikamzera Baruku, “Ghendenyi mkuvise mmbose na Jeremia, mndungi usemanye andu muko.”

JEREMIA 36:25

Na hata ngera Elnathani na Delaia, na Gemaria weretimieghe kumvoya mzuri usechikore, nderewisikireghe anduangi.

JEREMIA 37:15

Wabaa wikajokwa ni machu aighu ya Jeremia, wikamkaba na kumfunga andenyi ya nyumba ya muandiki Jonathani, angu niyo erebonyeroghe ikaie kifungo.

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

LUKA 23:41

Isi loli daakabwa kwa hachi, ela mundu uhu ndebonyere ikosa jingi anduangi.”

LUKA 23:47

Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.”

MABONYO GHA WADUMI 23:29

Ela ni kwa wundu ghwa Sharia yawo.

MABONYO GHA WADUMI 23:9

Niko nganyi mbaa ikawuka, na walimu wamu wa Sharia wa Mafarisayo wikawuka na kudeda, “Ndediwuewona ikosa jingi kwa uhu mundu, ikakaia roho angu malaika oodedanya nao ni wada?”

MABONYO GHA WADUMI 25:25

Ela ini siwonie ilagho jingi ubonyere jimfwanagha kufwa, na sa iji koni uo moni ukatire pili kwa Kaisari, nawonie nimghenje.