JEREMIA 25:9 - Biblia Ilagho Jiboie Kwa Wandu Wose

⁹ ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 25:9 ပူးပေါင်းရင်းမြစ်များ

2 WAZURI 24:2

BWANA ukamdumia Jehoiakimu majeshi gha Wakalidayo, na majeshi gha Wasiria, na majeshi gha Wamoabu, na majeshi gha Waamoni eri Juda ipate kutoteshwa kunughana na ilagho ja BWANA jighorelo ni wadumiki wake walodi.

2 MALAGHO GHA NGELO 29:8

Kwa huwo BWANA ukawibonyera wandu wa Juda na Jerusalemu machu, ukawibonya wikaie kilambo cheobosha, cheshinikilwa na kusekwa seji mwawuyawona mmbeni.

2 MALAGHO GHA NGELO 36:21

Ilagho ja BWANA jereghoreloghe ni Mlodi Jeremia jipate kukatia kwaro, hata isanga jivikie kuboilwa ni sabato raro. Matuku ghose jeresighiloghe iduu jedeeka jikiwadia Sabato hata miaka mirongo mfungade ikatie.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 13:3

BWANA moni wawilaghira masikari ghake uwiwikie na kuwirumiria, awo wandu wake wiko na ndighi, wipate kuwikaba awo wandu uko na machu nawo.

ISAYA 39:7

Na wana wamu wako kuwivae kumoni, wichadwalwa wunyika, nawo wichawuya weke kolowi nyumbenyi kwa mzuri wa Babuloni.”

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

JEREMIA 1:14

BWANA ukanizera, “Wuwiwi ghuchacha kufuma kaskazinyi kwa wandu wose wikaiagha iji isanga.

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 10:22

Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

JEREMIA 12:14

BWANA waghora huwu aighu ya wambao Israeli wose wawiwi, awo wiwadie ifwa ja isanga orejinekieghe wandu wake Israeli jiwuye ifwa jawo: “Ola nichawifunya isangenyi kwawo, na kumvuvua Juda ufume aghadi kwawo.

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

JEREMIA 2:15

Wiamdokia sa shimba, wadoka nandighi; Wajibonyere isanga jake jikawuya kireti, na mizi yake yasighilo putu ikawuya maghacho.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 25:8

“Kwa huwo BWANA wa majeshi waghora huwu, angu msenisikire,

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 35:11

Ela iji Nebukadnezari mzuri wa Babuloni orechieghe kulwa na iji isanga, dereghambieghe, ‘Choonyi dijoke Jerusalemu kwa wundu ghoobua ijeshi ja Wababuloni na ijeshi ja Wasiria.’ Kwa huwo dadakaia Jerusalemu.”

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 36:29

Na kwa Jehoiakimu mzuri wa Juda kughambe, ‘BWANA waghamba huwu, Oho kwakora ichi chuo kukighamba, Kwaki kwachiandika wei mzuri wa Babuloni uchacha loli kutotesha iji isanga, na kubwagha mdamu na nyamandu?

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 40:2

Uja m'baa wa majeshi ukanidwa mbalama ukanizera, “BWANA Mlungu oreghorieghe malagho gha kunoneka kwa muzi ughu;

JEREMIA 43:10

nao kuwizere kukaia ini BWANA wa majeshi uo Mlungu wa Israeli naghamba nichamdumiria mdumiki wapo Nebukadnezari uo mzuri wa Babuloni, nao uchawika kifumbi chake cha nguma aighu ya agha magho kwaghivisa, nao uchadunga hema yake ya kiwuzuri aighu yaro.

JEREMIA 46:20

Misri ni sa tagho ya ng'ombe ighokie nandighi, yalumwa ni izi ya ng'ombe yafuma kaskazinyi.

JEREMIA 49:19

Olenyi sa iji shimba ichagha iranunyi ja ng'ondi jimange, kufuma kwa icho kilemba cha Moda ghwa Jordani, niko koni nichaawibonya Waedomu wikimbie shwa-shwa kufuma isangenyi kwawo; nani nichamsaghua mundu mzima ojibonyera nguma uo ose nichaamkunda. Nani uko sa ini, nani udimagha kunishitakia? Ni m'bonyi nguma uao udimagha kusimana nani?

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

EZEKIELI 12:20

Mizi ichulo ni wandu, ichawuya maghacho, na isanga jichasighwa iduu; nenyo mchamanya kukaia Ini ne BWANA.”

EZEKIELI 16:40

“Wichakwanya izungu ja wandu wikulase na magho, na kukudumbua viluponge na chufu.

EZEKIELI 21:11

Kwa huwo, lufu lwafunywa lupate kuzughulwa na kutumilwa; lwakalishwa lukazughulwa lupate kunekwa mundu obwagha.

EZEKIELI 26:7

Bwana MLUNGU waghamba huwu, “Ola nichamreda Nebukadnezari mzuri wa Babuloni kufuma cha kaskazinyi, nao ni mzuri aighu ya wazuri, uchelwa na Tiro, nao uchacha na farasi, na magare, na wajoki farasi, ijeshi ja masikari mengi.

EZEKIELI 36:5

“Ini Bwana MLUNGU naawuyaghora niko na iriso ibaa aighu ya iro mbari ra wandu risigharikie, na Edomu yose, awo wiwusire isanga japo kwa kuboilwa kubaa, wikighora kwa lung'eto wei wajiwusire ijo isanga kwa ndighi.

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.

HABAKUKI 1:17

Welee, wiadua wikiwada na nyavu rawo, angu wiadua wikibwagha wandu wa iro mbari matuku ghose kuseko na wughoma ghungi?

WUKUMBUSO 28:37

Kuchaobolwa ni wandu, kuseko na kumenywa ni wandu wose andu BWANA uchaakughenja.