JEREMIA 25:4 - Biblia Ilagho Jiboie Kwa Wandu Wose

⁴ Ndemcheesikira hata kudegha kudu konyu wei msikire, hata ngera BWANA wafungie ndighi kumdumia wadumiki wake walodi ngelo kwa ngelo;

JEREMIA 25:4 ပူးပေါင်းရင်းမြစ်များ

2 MALAGHO GHA NGELO 24:19

Hata huwo saki Mlungu orekoghe ukiwidumia walodi upate kuwiwunja kwake, nawo wikawishuhudia, ela wandu wikalegha kusikira.

2 MALAGHO GHA NGELO 33:10

BWANA ukaghora na Manase, na wandu wake, ela ndeweresikireghe.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 25:3

“Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 26:5

na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

JEREMIA 36:31

Nani nichakukaba chiaimweri na kivalwa chako, na wadumiki wako kwa wundu ghwa mawiwi ghenyu. Nichareda wuwiwi ghose aighu yenyu, na aighu ya wandu wikaiagha Jerusalemu, na aighu ya wandu wa Juda, ugho nereghughorieghe ghuchaawichea; ela ndemcheesikira.’”

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?