JEREMIA 24:8 - Biblia Ilagho Jiboie Kwa Wandu Wose

⁸ Ela nicham'bonyera Zedekia mzuri wa Juda karakara na iri tini rizamie risedimagha kujika; chiaimweri na wabaa wake, na masighariko gha wandu wa Jerusalemu wiko iji isanga chiaimweri na awo wikaiagha isanga ja Misri.

JEREMIA 24:8 ပူးပေါင်းရင်းမြစ်များ

1 MALAGHO GHA NGELO 3:15

Wana wa Josia, wa imbiri ni Johanani, wa kawi ni Jehoiakimu, wa kadadu ni Zedekia na wa kana ni Shalumu.

JEREMIA 13:7

Niko ngaghenda cha Eufrate ngakota aja andu nereghuvisireghe ghuja mshipi ngaghufunya; ngaghukua ghumerie kunoneka ghusefwanagha ilagho jingi.

JEREMIA 21:10

Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 24:2

Kikapu chimu cherekoghe na tini riboie nandighi, sa tini ra imbiri razoya kuwurwa, ela chija kikapu chimu cherekoghe na tini rizamie nandighi, rizamie hata isedimikagha rijike.

JEREMIA 24:5

“BWANA, uo Mlungu wa Israeli waghamba huwu, Nichawitala wandu wa Juda awo niwibonyere widwalo wunyika cha isanga ja Wakaldayo, kukaia waboie kara kara na iri tini riboie.

JEREMIA 37:10

Angu hata ngera mwadasima ijeshi jose ja Wababuloni wawuyalwa nenyo, nao wisigharike wandu washoghonolwa wiko andenyi hemenyi kwawo, wichawuka na kughukora ughu muzi.’”

JEREMIA 37:17

Mzuri Zedekia ukaduma niredo kwake. Mzuri ukanikotia kivisonyi ngomenyi kwake ukighamba, “Ilagho jingi jeko jafuma kwa BWANA?” Ngatumbulia, “Jeko.” Niko ngamzera, “Kuchangirwa mikonunyi kwa mzuri wa Babuloni.”

JEREMIA 43:1

Niendameria kuwighoria wandu wose agho malagho ghose BWANA Mlungu wawo orenidumieghe nagho kwawo,

JEREMIA 44:1

BWANA oreghorieghe nani aighu ya Wayahudi wose werekoghe wikikaia andenyi ya isanga ja Misri, aho Migdoli, na Tahpanesi, na Memfisi na andenyi ya isanga ja Misri ya Lughu.