JEREMIA 24:7 - Biblia Ilagho Jiboie Kwa Wandu Wose

⁷ Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 24:7 ပူးပေါင်းရင်းမြစ်များ

2 MALAGHO GHA NGELO 6:38

wikahea kwa nia na kwa ngolo yawo yose ahoeni wunyikenyi weredwaloghe, na kulomba wikilangaya cha isangenyi jawo ijo korewinekieghe weke ndee, na ugho muzi kughusaghue, na Hekalu niiaghie ekutasira,

ZABURI 119:2

Warasimilwa awo wiiwadiagha memu yake, awo wimlolagha BWANA kwa ngolo yawo yose.

ISAYA 51:16

Nakunekie malagho ghapo gheghora, nani ngakulindia kwa ndighi rapo; ni ini nibonyere mlungunyi, na kuwika misingi ya ndoenyi; nani nadawizera wandu wa Jerusalemu, ‘Inyo mo wandu wapo.’”

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

JEREMIA 3:10

Aighu ya agho ghose, uja Juda wa kwawo useko mloli nderewurieghe kwapo kwa ngolo yake yose, ela odeeka ukibonya mikalo tu, waghamba BWANA.”

JEREMIA 30:22

Nenyo mchakaia wandu wapo, na ini nichakaia Mlungu onyu.”

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

EZEKIELI 11:17

“Kwa huwo kuwighorie kukaia ini Bwana MLUNGU nichawikwanya wifume kwa awo wandu na kuwitumbanya chiaimweri kufuma kwa agho masanga andu weresaghisiroghe; nani nichawineka isanga ja Israeli.

EZEKIELI 14:11

eri wandu wa Israeli wiselaghasho jingi kufuma kwapo; sena wisekulushe weni kwa makosa ghawo, ela wipate kukaia wandu wapo, na ini nikaie Mlungu wawo. Ini Bwana MLUNGU naghamba.”

EZEKIELI 16:62

Nichamangisha ilaghano japo na oho, na oho kuchamanya kukaia ini ne BWANA.

EZEKIELI 37:23

Ndewichaakulusha na milimu yawo hata kukunona na vilambo vizamie sena, angu makosa ghangi ghawo; ela nichawikira na uko kuwuya nyuma kwawo kose, uko werenibonyereghe nako kaung'a. Nichawielesha wikaie wandu wapo, nani nikaie Mlungu wawo.

EZEKIELI 37:27

Nichakaia aghadi kwawo, nani nichakaia Mlungu wawo, nawo wichakaia wandu wapo.

EZEKIELI 39:22

Wandu wa Israeli wichamanya kukaia ini ne BWANA Mlungu wawo kufuma ituku ijo na noko imbiri.

HOSEA 2:22

na ndoe ichava viro, na zabibu, na zeituni kwa wungi.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.

WAROMA 6:17

Ela chawucha kwa Mlungu; angu hata ngera morekoghe wazumba wa kaung'a, mwamerie kuwuya wandu wa kusikiria kwa ngolo yose na kukatisha sa iji koni morefundishiroghe.

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”