JEREMIA 24:6 - Biblia Ilagho Jiboie Kwa Wandu Wose

⁶ Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

JEREMIA 24:6 ပူးပေါင်းရင်းမြစ်များ

KUZOYA 44:21

Sena kukadizera isi wadumiki wako, dimrede uo mwanidu kwako kupate kummbona.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

NEHEMIA 5:19

Kukumbuke wucha nibonyere kwa awa wandu ee Mlungu.

ZABURI 34:15

BWANA wadawizighana wahachi, na kusikira kililo chawo.

ZABURI 44:2

Korewingieghe mbari ra wandu kumoni, kukawiwika weke aba aho; korewitiririeghe awo wandu, kukawibonya weke aba wiwone mecha.

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

JEREMIA 1:10

Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

JEREMIA 12:15

Nani ngameria kuwifunya, awo wawiwi, wughoma nichawifuya sena, na kummbunja kula umu wawo andenyi ya ifwa jake na isanga jake.

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 21:10

Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 23:3

Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

JEREMIA 31:28

Na ichakaia sa iji koni nerewiinjireghe na kuwifunya noko, kuwinona na kuwiredia wuwiwi, huwo koni nichawiagha na kuwiwika.

JEREMIA 31:4

Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

JEREMIA 32:41

Nichaboilwa kuwibonyera mecha, nani nichawimangisha andenyi ya iji isanga, kwa ngolo yapo yose na kwa roho yapo yose.

JEREMIA 33:7

Nichawiwunjira Juda na Israeli mecha ghawo, na kuwiagha sa iji koni werekoghe imbiri.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

JEREMIA 39:12

“Wada Jeremia kumlindie nicha, kusem'bonye ilagho jingi, ela kum'bonyere seji ukuzeragha.”

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

AMOSI 9:14

Nichawiwunja wandu wapo Israeli isangenyi kwawo. Wichaagha sena maghacho gha mizi yawo inonelo, na kuikaia; wichawa mizabibu na kunywa divei yaro; wichalima mbuwa na kuja matunda gharo.

WUKUMBUSO 11:12

ni isanga jilindilwaghwa ni BWANA Mlungu onyu, nao wadajizighana kufuma kuzoya kwa mwaka hata kutua kwaro.

1 PETRO 3:12

Angu Bwana wadawizighana wandu wa hachi, nao wadasikira malombi ghawo. Ela Bwana ndewizighanagha awo wibonyagha kiwiwi.”