JEREMIA 24:5 - Biblia Ilagho Jiboie Kwa Wandu Wose

⁵ “BWANA, uo Mlungu wa Israeli waghamba huwu, Nichawitala wandu wa Juda awo niwibonyere widwalo wunyika cha isanga ja Wakaldayo, kukaia waboie kara kara na iri tini riboie.

JEREMIA 24:5 ပူးပေါင်းရင်းမြစ်များ

ZABURI 119:67

Imbiri kuseninekie ikabo, nerekoghe ngighenda kisha; ela idana najiwadia ilagho jako.

ZABURI 119:71

Ni nicha kwapo angu koreninekieghe ikabo, nipate kukufundisha sharia rako.

JEREMIA 24:4

Niko ilagho ja BWANA jikanichea,

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

JEREMIA 29:20

Sikirenyi seji Ini BWANA nighoragha konyu inyo mmbose moredwaloghe wunyika, ngamghenja kufuma Jerusalemu hata Babuloni.’

JEREMIA 29:4

“BWANA wa majeshi, uo Mlungu wa Israeli waghamba huwu, kwa wandu wose widwalo wunyika kufuma Jerusalemu hata Babuloni:

EZEKIELI 11:17

“Kwa huwo kuwighorie kukaia ini Bwana MLUNGU nichawikwanya wifume kwa awo wandu na kuwitumbanya chiaimweri kufuma kwa agho masanga andu weresaghisiroghe; nani nichawineka isanga ja Israeli.

EZEKIELI 11:20

eri wipate kunugha sharia rapo na kuiwadia memu yapo na kuikatisha; nawo wichakaia wandu wapo, nani nichakaia Mlungu wawo.

WALAWI 26:44

Elaima kwa agho ghose, ngelo wikikaia isanga ja wamaiza wawo, sichaawisigha putu hata kuvikia kuwinona anduangi, hata sichaajiinja ilaghano japo nerejibonyereghe nawo, angu Ini ne BWANA Mlungu wawo.

NAHUMU 1:7

BWANA waboie; wadawilindia wandu wake ngelo ya wasi. Wadawilindia awo wimrumiriagha.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MATHAYO 25:12

Ela ukawitumbulia, ‘Namghoria loli simwichi inyo anduangi.’

JOHANE 10:27

Ng'ondi rapo radasikira lwaka lwapo, nani nariichi, naro raninugha.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

1 WAKORINTHO 8:3

Ela uo mundu umkunde Mlungu, wamanyikie kwake.

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?

WUKUMBUSO 8:16

Wamnekie mana kireti; vindo viserejiloghe ni weke ndeyo. Ukamfundisha kwa maza rikatie, ukamtima eri upate kum'bonyera mecha kutuonyi.

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.