JEREMIA 24:1 - Biblia Ilagho Jiboie Kwa Wandu Wose

¹ Nyuma ya Nebukadnezari mzuri wa Babuloni kuwidwa wunyika Jehoiakini mwana wa Jehoiakimu mzuri wa Juda, na wabaa wake, mafundi ghake ghewacha na gechana vuma, kufuma Jerusalemu, BWANA orenifunukuyeghe ngawona vikapu viwi va tini verewikiloghe imbiri ya Hekalu ya BWANA.

JEREMIA 24:1 ပူးပေါင်းရင်းမြစ်များ

2 WAZURI 24:10

Ngelo iyo, wabaa wa Nebukadnezari mzuri wa Babuloni wikajoka na kughuwada muzi ghwa Jerusalemu.

2 MALAGHO GHA NGELO 36:10

Ghadi na ghadi ya mwaka, mzuri Nebukadnezari ukaduma wandu wikamreda Babuloni na vilambo va zoghori mbaa va Hekalu; Nebukadnezari ukam'bonya mruna Sedekia ukaie mzuri aighu ya Juda na Jerusalemu.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

JEREMIA 13:19

Mizi ya Juda ya kusinyi yamerie kurughwa, ndekuwadie mndungi orugua minyango yaro; wandu wose wa Juda wamerie kudwalwa, wose putu wamerie kudwalwa cha wubarishonyi.

JEREMIA 27:20

ivo viseredwaloghe ni Nebukadnezari mzuri wa Babuloni, ingelo oremdwaeghe wunyika Jekonia mwana wa Jehoiakimu mzuri wa Juda kufuma Jerusalemu hata Babuloni, chiaimweri na wabaa wose wa Juda na Jerusalemu.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

JEREMIA 29:1

Agha nigho malagho gha barua nereandikieghe ini mlodi Jeremia kufuma Jerusalemu kwa waghosi weredwaloghe wunyika, na kwa wakohani, na walodi na wandu wose awo weredwaloghe wunyika ni Nebukadnezari kufuma Jerusalemu hata Babuloni.

JEREMIA 29:2

Aho ni nyuma ya mzuri Jekonia na mae kudwalwa wunyika chiaimweri na weke kolowi, na wabaa wa Juda na Jerusalemu, mafundi, na wachani vuma, kufuma Jerusalemu.

JEREMIA 37:1

Zedekia mwana wa Josia, uo oresaghuloghe ni Nebukadnezari mzuri wa Babuloni ukaie mzuri wa Juda, orebonyereghe nguma wulalo ghwa Jehoiakini mwana wa Jehoiakimu.

EZEKIELI 17:4

ikachikanya mudo ghwaro, na kughudwa noko cha isanga ja wandu wa biashara, ikaghuwika mzinyi kwawo.

EZEKIELI 19:9

Wikaiwada kwa koleo na kuingira kitangarenyi, wikaidwa kwa mzuri wa Babuloni; wikailindia eri lwaka lwake lusesikirike, aighu ya mighondi ya Israeli.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

AMOSI 7:1

Bwana MLUNGU ukaniwonyera mawono: Ngawona ukiumba izungu ja zighe nyuma ya ifungu ja nyasi ja mzuri kudemwa na nyasi kuzoya kubuka sena.

AMOSI 7:4

Bwana MLUNGU ukaniwonyera mawono ghamu: Ngawona Bwana MLUNGU uwangagha wandu uwikabe kwa modo; nagho ghukakora bahari mbaa machi ghikaoma na kuzoya kukora isanga.

AMOSI 7:7

Ngawona mawono ghamu kufuma kwa BWANA, Bwana wakaia kimusi mbai na mbai ya wurigha ghuaghilo kwa kupimwa na kabiro iyo oreiwadieghe.

ZEKARIA 1:20

Niko BWANA ukaniwonyera wachani vuma bana.

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.