JEREMIA 23:9 - Biblia Ilagho Jiboie Kwa Wandu Wose

⁹ Nafwa ngolo andenyi kwapo, maindi ghapo ghose ghaawuyasughusika; nakaia sa mmbongeri wasirwa ndighi ni chofi kwa wundu ghwa BWANA na kwa wundu ghwa malagho ghake ghielie.

JEREMIA 23:9 ပူးပေါင်းရင်းမြစ်များ

ZABURI 60:3

Kwawibonyere wandu wako wikapatwa ni wasi m'baa; daawuyatatarika sa wandu winyue divei wikawongia.

ZABURI 69:20

Madukano ghanibwaghie ngolo, ngasirilwa putu ni isuwirio. Nalolie oniwonia wughoma, ngamsowa; ngalola onihoresha, ela siwonie ungi.

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

ISAYA 29:9

Kubonyenyi mmbeni kukaia wakelu, nenyo mmbuye wakelu. Kubonyenyi mmbeni kukaia vitungure, nenyo mmbuye vitungure. Mmbongie ela si kwa divei, tatarikenyi ela si kwa chofi ibirie.

ISAYA 51:21

Kwa huwo sikirenyi agha inyo wandu wa Jerusalemu mkorongelo, inyo mmbongerie msenyue divei:

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 36:16

Wiendasikira malagho ghose, wikazighanana weni na weni kwa wowa, wikamzera Baruku, “Suti dimghorie mzuri agha malagho ghose.”

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

JEREMIA 8:18

Wasi ghwapo ndeghudimagha kuhoreshwa, ngolo yapo yakaia mkongo andenyi kwapo.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

KILILO CHA JEREMIA 3:15

Wanighudishire matiriro ghibirie, wulalo ghwa vindo na kunywa.

EZEKIELI 13:3

Bwana MLUNGU waghamba huwu, Ni bugha kwa awo walodi wikelie, winughagha mawoni gha roho rawo reni wisewonie kindo chingi!

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

EZEKIELI 9:6

M'bwaghe putu waghosi, wadawana na wai, wana watini na waka; ela mseadade mndungi uko na alama chamunyi kwake; moozoia ahaeni Hekalunyi.” Niko wikazoya na waghosi aweni werekoghe Hekalunyi.

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

WAROMA 7:9

Ini moni nerekoghe moyo iji Sharia iserekoghe; ela ghuja momu ghuendacha, kaung'a eeruka, nani moni ngaafwa.