JEREMIA 23:6 - Biblia Ilagho Jiboie Kwa Wandu Wose

⁶ Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

JEREMIA 23:6 ပူးပေါင်းရင်းမြစ်များ

1 WAZURI 4:25

Matuku ghose Solomoni orekoghe moyo, wandu wa Israeli na Juda kufuma Dani hata Beer-sheba werekoghe banana; kula mundu ukakaia na mbuwa yake na mizabibu na tini.

ZABURI 45:5

Mawanu ghako ghakalie; ghalasa ngolo ra wamaiza wako; mbari ra wandu raghwa maghunyi kwako.

KUFUMA 9:26

Isanga ja Gosheni jiekeri, andu Waisraeli werekoghe, niko iyo vua ya magho iserekoghe.

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 32:1

Ngelo ichacha, mzuri uchaabonya nguma kwa hachi, na wabaa wibonye nguma kwa hachi.

ISAYA 32:18

Wandu wapo wichakaia nicha isangenyi, na nyumba rawo richakaia na sere, andu kuhorie kwa kima.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 33:5

BWANA wachua wubaa, kwa kukaia andu kwake kokaia ni kwa ighu. Uchaichura Jerusalemu na maza ra hachi na loli.

ISAYA 35:9

Shimba ndeichaawoneka aho, hata nyamandu ibirie ndeichaakaia aho anduangi hata kuwoneka koni nderichaawoneka, ela awo wandu wikombolo wichaghenda na iyo chia.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

EZEKIELI 21:27

Kunona, kunona, nichaghunona ugho muzi hata ghusesigharike andu komanyisha wei ghorekoghe, hata wameria kucha mundu waro moni, nani nichamneka ugho muzi.

EZEKIELI 28:26

Nawo wichakaia banana andenyi ya ijo isanga; wichaagha nyumba na kuwa mizabibu. Wichakaia banana ingelo nichaatanya awo wambao werewikitagha; nawo wichamanya kukaia ini ne Bwana MLUNGU.”

EZEKIELI 38:14

“Kwa huwo ee mwana wa mdamu, funya wulodi kumzere Gogu, Ini Bwana MLUNGU naghamba huwu: Ituku wandu wapo wa Israeli wichaakaia nicha, kuchamanya.

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

DANIELI 9:7

Oho ko mhachi ee BWANA, ela isi wandu wa Juda na wa Jerusalemu daawuyafwa waya chiaimweri na wandu wa Israeli wose, awo wiko kaavui na awo wiko kula andenyi ya masanga ghose korediwingieghe kwa wundu ghwa mawiwi derekubonyereghe.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

HOSEA 2:18

“Ituku ijo nichabonya ilaghano na nyamandu, nyonyi, na shimandu riavuagha andoenyi, kukaia nderichaabonya wandu wapo ilagho jingi. Wokoni nichainja ndana rose na chufu relwa wuda isangenyi na wandu wapo wichakaia banana.

OBADIA 1:17

“Ela kuchakaia na wandu wifufunukagha aighu ya Mghondi ghwa Sioni, na aho kuchakaia andu kwa wueli. Wandu wa Jakobo wichawusa isanga jiko mali yawo cheni.

OBADIA 1:21

Wasimi wa Jerusalemu wichaikaba Edomu na kuibonyera nguma na BWANA moni uchakaia mzuri.”

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

ZEKARIA 10:6

“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

ZEKARIA 3:10

Ituku ijo jikavika, kula mundu onyu uchamkaribisha mmbao wikaie aisi ya mzabibu ghwake na aisi ya mtini ghwake wikiboilwa kwa kukaia weko na sere na wulindiri.”

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;