JEREMIA 23:5 - Biblia Ilagho Jiboie Kwa Wandu Wose

⁵ “Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 23:5 ပူးပေါင်းရင်းမြစ်များ

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

ZABURI 45:4

Joka na wubaa ghwako, kusime wamaiza wako; kudederie loli na hachi; kuwonyere wusimi m'baa kwa ndighi rako.

ZABURI 80:15

Choo kughukire ughu mzabibu koreghuwaeghe, ugho mzabibu mkoo koreghuzoghorieghe ghukawuya m'baa.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

ISAYA 33:5

BWANA wachua wubaa, kwa kukaia andu kwake kokaia ni kwa ighu. Uchaichura Jerusalemu na maza ra hachi na loli.

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

ISAYA 53:2

Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 9:5

Kula chadu cha mundu wa wuda, na kula nguwo iwadie bagha, ichakorwa sa mbande.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 22:15

Kuaghesha kooka mzuri angu kusimanagha aighu ya kuagha na midi ya sida? Welee, ndeyo nderejieghe na kunywa, ukabonya agho ghiko gha loli na gha hachi? Aho niko orewonieghe mecha.

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 22:30

BWANA waghamba huwu, “Kumuandike umundu sa usewadie mwana ungi; mundu usechaawona nicha kwa ilagho jingi, matuku ghake ghose; kwa kukaia ungi wa wuvalo ghwake ndechaadima kuseria kifumbi cha nguma cha Daudi, na kubonyera isanga ja Juda nguma.”

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

JEREMIA 30:9

Ela wichamdumikia BWANA Mlungu wawo; na umu wa kivalwa cha Daudi mzuri wawo, uo nichaammbusira kwa wundu ghwawo.

JEREMIA 31:27

BWANA waghamba, “Ola matuku ghichacha, nani nichabonya isanga ja Israeli na ja Juda jichulo ni wandu na mfugho.

EZEKIELI 21:27

Kunona, kunona, nichaghunona ugho muzi hata ghusesigharike andu komanyisha wei ghorekoghe, hata wameria kucha mundu waro moni, nani nichamneka ugho muzi.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

EZEKIELI 34:29

Nichawineka mbuwa inorie, nawo ndewichaapatwa ni njala sena isangenyi, angu kusholelwa ni iro mbari ra wandu.

EZEKIELI 45:8

Isanga iji jichakaia ifungu ja m'baa wa isanga andenyi ya Israeli. Wabaa wapo wa isanga ndewichaakoronga wandu wapo sena, ela wichasigha wandu wa Israeli wikaie na isanga kunughana na vichuku vawo.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MATHAYO 2:2

wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.”

JOHANE 1:45

Filipo ukammbona Nathanaeli ukamzera, “Dammbona Uo Musa oremuandikieghe sharienyi, na wokoni oreandikiloghe andenyi ya vuo va walodi; nao ni Jesu mwana wa Josefu, mundu wa Nazareti.”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

WAEBRANIA 8:8

Kwa kukaia Mlungu wawiwona wandu na makosa iji waghamba, “Matuku ghichacha, waghamba Bwana, ngelo nichaabonya ilaghano iwishi na nyumba ya Israeli na nyumba ya Juda.

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.