JEREMIA 23:2 - Biblia Ilagho Jiboie Kwa Wandu Wose

² BWANA uo Mlungu wa Israeli waghamba huwu aighu ya wabonyi nguma wiwilindiagha wandu wapo, “Mwasaghisire wandu wapo na kuwiwinga noko; hata ndemuwizighanire anduangi. Olenyi nichamkaba kwa wundu ghwa mabonyo ghenyu ghizamie.

JEREMIA 23:2 ပူးပေါင်းရင်းမြစ်များ

KUFUMA 32:34

Idana ghenda kuwilongoze awo wandu hata isanga nerekughorieghe. Ola malaika wapo uchakiria imbiri konyu. Elaima, ngelo ichacha, nani nichawikaba wandu awa kwa wundu ghwa kaung'a yawo.”

JEREMIA 10:21

Kwa kukaia walisha wasowa akili, hata ndewilombagha njama kwa BWANA; kwa huwo ndewiwonagha mecha, na mfugho rawo rose reesaghisika.

JEREMIA 11:22

kwa wundu ugho BWANA wa majeshi waghora huwu, “Ola nichawikaba, na wandu wa irika wichabwaghwa kwa lufu, na wana wawo wa womi na wa waka wichabwaghwa ni njala.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 13:20

Wusira meso ghako kuwone wamaiza wako wikicha kufuma kaskazinyi ee, Jerusalemu; awo wandu wako korenekeloghe weko hao, ee awo wandu wako korekukasireghe nawo?

JEREMIA 13:21

Kuchaghora wada kukawiwona waghenyi wako korewifundishireghe wikikaia wabaa aighu yako? Welee, ndekuchaawawa karakara na muka ukumbagha lufu anguwada?

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 23:34

Kwa wundu ghwa malagho gha mlodi, angu mkohani, angu umu wa awa wandu ughoragha ‘Msigo ghwa BWANA,’ nichamkaba uo mundu na nyumba yake.

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 5:29

“Wele nilemwa wada ni kuwikaba kwa wundu ghwa maza iri? Welee niselipie kisasi aighu ya mbari sa ihi?

JEREMIA 5:9

Welee, ndeinifwane niwikabe kwa maza iri? Ndeinifwane nilipie kisasi kwa mbari ya wandu sa ihi?

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

EZEKIELI 34:5

Kwa huwo reresaghisikieghe, angu riserewadieghe mlisha ungi; rikawuya vindo va nyamandu rose ra isakenyi.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

MIKA 7:4

Mundu uboie uko mloli kuchumba wose, kwawo wadamenywa na kuwoneka sa isaka. Ituku jekabwa ni Mlungu jameria kuvika; kwa kukaia wawionyere kwa kutumia walindiri wake, awo walodi. Idana walaghalwa ni akili.

ZEKARIA 10:3

BWANA waghamba, “Nakaia na machu kwa waghenyi wiwibonyeragha wandu wapo nguma, nani nichawikaba. Wandu wa Juda ni wapo, na ini BWANA Uwadie-Ndighi-Rose nichawilindia. Wichawuya farasi rapo ra wuda riwadie ndighi.

ZEKARIA 11:16

Nawikie mlisha ozighana chagha chapo, ela ndetesiagha ng'ondi riturusiro ni kutoteshwa hata kulola rilagharie, angu kurighita iro rishoghonokie, angu kulisha iro riko banana. Wulalo ghwaro wadaja nyama ra iro ribandie na kubara kochokocho raro.

MATHAYO 25:36

nerekoghe duu mkanirusha nguwo, nerekoghe mkongo mkacha kunizighana, nerekoghe kifungonyi mkanichea.’

MATHAYO 25:43

Nerekoghe mghenyi nenyo ndemorenikaribishireghe, nerekoghe duu mkalegha kunirusha nguwo, nerekoghe mkongo na kifungonyi, nenyo ndemorenizighanireghe anduangi.’

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.