JEREMIA 22:9 - Biblia Ilagho Jiboie Kwa Wandu Wose

⁹ Nawo wichatumbulia, “Ni kwa kukaia wijisighie ilaghano ja BWANA Mlungu wawo, wikaitasa milungu mizima na kuidumikia.”’”

JEREMIA 22:9 ပူးပေါင်းရင်းမြစ်များ

1 WAZURI 9:8

Hekalu ihi ichawuya kifungu cha ighacho. Kula mundu uchaaida chienyi uchaaturukia na kushinika ukikotia, ‘Kwaki BWANA ujibonyere iji isanga na ihi Hekalu huwu?’

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

2 MALAGHO GHA NGELO 34:25

Kwa kukaia wanisighie na kuifukiria milungu mizima marumba, hata wikanibonya nijoko ni machu kwa iro kazi wiribonyere; nichakaba Jerusalemu kwa machu mabaa ghisehoagha.

JEREMIA 11:10

Wamerie kuwuria wuwiwi ghwa weke ndee wa kala, awo wereleghieghe kughisikira malagho ghapo; wamerie kuitasa milungu mizima, na kuidumikia. Wandu wa Israeli na wandu wa Juda wamerie kujichikanya ijo ilaghano japo nerejibonyereghe na weke ndee.

JEREMIA 11:3

Kuwizere huwu, Ini BWANA, uo Mlungu wa Israeli naghamba, Mundu useghiwadiagha malagho gha ilaghano ijo, uwadwa ni njowe.

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 50:7

Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

JEREMIA 9:13

BWANA waghamba, “Ni kwa kukaia wandu wapo waileghie sharia yapo niiwikie imbiri kwawo, hata ndewerenisikireghe na kughenda kwa iyo sharia;

EZEKIELI 12:16

Ela nichabonya watini wawo wifufunuke icho kifwa cha lufu na cha njala na cha saka izamie, eri ingelo wiko aghadi ya iro mbari ra wandu wirighendiagha, wipate kurumiria ugho wuchafu ghwawo wereghubonyereghe na kumanya kukaia Ini ne BWANA.”

EZEKIELI 14:23

Ngolo yako ichahoa iji kwawona tabia rawo na mabonyo ghawo ghizamie, na oho kuchamanya kukaia malagho nighibonyere si gha duu anduangi. Ini Bwana MLUNGU naghamba.”

EZEKIELI 39:23

Wandu wa iro mbari wichamanya kukaia wandu wa Israeli wededwalwa wunyika kwa wundu ghwa makosa ghawo, angu werenibonyereghe kiwiwi nandighi, nani ngasigha kuwizighana: ngawisigha wingie mikonunyi kwa wamaiza wawo, wikabwaghwa wose wudenyi.

EZEKIELI 5:15

Kuchasholelwa na kusekwa; kuchaobolwa na kusekwa; kuchaobolwa na kuwuya ifundisho kwa iro mbari ra wandu rikumarie chia rose, ingelo nichaakutanya kwa machu na kubia, nani nichakuwunja kwa kubia, ini BWANA naghamba.

WUKUMBUSO 29:24

Niko mbari rose richakotia, ‘Kwaki BWANA ujibonyere iji isanga huwu? Niki chishekerie machu ghake kukaia mabaa huwu?’